جامعہ الازھر کے سر براہ کی آذربائیجان اور آرمینیا سے فوری جنگ بندی کی اپیل

جمعہ 9 اکتوبر 2020 13:04

قاہرہ (اُردو پوائنٹ اخبارتازہ ترین - اے پی پی۔ 09 اکتوبر2020ء) : مصر کی سب سے بڑی دینی درس گاہ جامعہ الازھر کے سربراہ ڈاکٹر احمد الطیب نے آذربائیجان اور آرمینیا پر فوری جنگ بندی اور تنازع کے سیاسی حل کے لیے فوری طور پر غیر مشروط مذاکرات پر زور دیا ہے۔

(جاری ہے)

اپنے ایک ٹویٹ میں شیخ الازھر نے نوگورنو کاراباخ میں دونوں متحارب ملکوں پر جنگ روکنے اور تنازع کے حل کے لیے بات چیت شروع کرنے کی ضرورت پر زور دیا ہے۔

انگریزی اور عربی زبانوں میں سوشل میڈیا پر پوسٹ کی گئی اپیل میں شیخ الازھر نے کہا ہے کہ آذربائیجان اور آرمینیا دونوں اچھے ہمسائے بنتے ہوئے طاقت کی بجائے تنازع کے حل کے لیے دماغ کا استعمال کریں، امن، انسانیت اور ایک دوسرے کی عوام کا احساس کرتے ہوئے امن عمل کی طرف رجوع کریں۔