عالمی روک بال فیڈریشن نے کرونا وائرس کے دوران ملتوی ٹورنامنٹس آئندہ برس منعقد کروانے کی تیاریاں شروع کردی

پیر 26 اکتوبر 2020 14:48

اسلام آباد (اُردو پوائنٹ اخبارتازہ ترین - این این آئی۔ 26 اکتوبر2020ء) عالمی روک بال فیڈریشن نے کرونا وائرس کے دوران ملتوی ٹورنامنٹس آئندہ برس منعقد کروانے کی تیاریاں شروع کردی ہیں، عالمی روک بال فیڈریشن کی جنرل کونسل کا آن لائن اجلاس گذشتہ روز منعقد ہوا، اجلاس کی صدرات ورلڈ روک بال فیڈریشن کے صدر جیمز فیگر نے کی۔

(جاری ہے)

اجلاس میں پاکستان کی نمائندگی پاکستان روک فیڈریشن کی سیکرٹری جنرل امہ لیلیٰ کلثوم رانا کے علاوہ دیگر عہدیداروں مقبول آرائیں اور سید جعفر علی شاہ نے کی، اجلاس میں روواں سال دنیا میں کرونا وائرس کے باعث روک بال کے ملتوی کئے گئے مقابلوں کو آئندہ برس منعقد کروانے کی منصوبہ بندی بنائی ہے، آئندہ برس جون 2021 میں ایشین روک بال چمپئن شپ تھائی لینڈ میں ہوگی، جس میں ایشیائی سطح کے ممالک حصہ لیں گے، اپریل/مئی میں تین ملکی روک بال ٹورنامنٹ بنگلہ دیش میں کھیلا جائے گا، جس میں پاکستان بنگلہ، بھارت اور بنگلہ دیشن کی ٹیمیں حصہ لیں گی۔

اس کے علاوہ عالمی روک بال چمپئن شپ امریکہ میں منعقد ہوگی جس کی تاریخ کا باقاعدہ اعلان بعد میں کیا جائے گا۔