Live Updates

روی چندرن ایشون ہانگ کانگ سکسز 2025 میں شرکت کریں گے

جمعہ 19 ستمبر 2025 13:36

ہانگ کانگ (اُردو پوائنٹ اخبارتازہ ترین - اے پی پی۔ 19 ستمبر2025ء) بھارتی کرکٹ ٹیم کے سینئر اور تجربہ کار آف سپنر روی چندرن ایشون نے ہانگ کانگ سکسز 2025 میں شرکت کے لیے معاہدہ کر لیا ہے۔ کرکٹ ویب سائٹ کے مطابق یہ اعلان کرکٹ ہانگ کانگ، چائنا کی جانب کیا گیا۔تین روزہ ہانگ کانگ سکسز ٹورنامنٹ 7 سے 9 نومبر تک ہانگ کانگ میں کھیلا جائے گا، جس میں 12 ٹیمیں حصہ لیں گی۔

امکان ہے کہ آئی پی ایل سے ریٹائرمنٹ کے بعدیہ روی چندرن ایشون کا پہلا بڑا ٹورنامنٹ ہو گا ۔39 سالہ روی چندرن ایشون بھارت کے ایک بہترین میچ ونر مانے جاتے ہیں ۔ وہ اپنی موجودگی سے نہ صرف ٹیم انڈیا کو مضبوط کریں گے بلکہ ٹورنامنٹ کو بھی دلچسپی، تجربہ اور معیار فراہم کریں گے۔کرکٹ ہانگ کانگ کے چیئرمین برجی شروف کا کہنا تھاکہ ہم روی چندرن ایشون کو ہانگ کانگ سکسز 2025 میں خوش آمدید کہنے پر فخر محسوس کرتے ہیں۔

(جاری ہے)

ان کی موجودگی سے ٹورنامنٹ کا معیار بلند ہوگا۔ یہ ایونٹ تیز رفتار، تفریح اور عالمی معیار کی صلاحیتوں کا مجموعہ ہے۔روی چندرن ایشون نے اپنے خیالات کا اظہار کرتے ہوئے ک کہ ہم بچپن میں ہانگ کانگ سکسز کو ٹی وی پر دیکھتے تھے، اور ہمیشہ سے اس فارمیٹ کا حصہ بننے کی خواہش تھی۔ یہ ایک مختلف اور تیز رفتار کرکٹ ہے، جس کے لیے الگ حکمت عملی درکار ہوتی ہے۔ اپنے سابق ساتھیوں کے ساتھ کھیلنے اور مضبوط مخالف ٹیموں کا سامنا کرنے کا بے حد منتظر ہوں۔اس ایونٹ میں بھارت، انگلینڈ، آسٹریلیا، جنوبی افریقہ اور میزبان ہانگ کانگ سمیت دیگر ٹیمیں حصہ لیں گی۔\932