فرانسیسی صدر نے اپنے لوگوں کو مسلم علاقوں میں سفر کرنے سے منع کر دیا

بڑھتے ہوئے انتشار کے باعث،سکیورٹی کے بغیر مسلم ایریا میں نہیں جانا ،میکرون

سجاد قادر بدھ 28 اکتوبر 2020 06:06

فرانسیسی صدر نے اپنے لوگوں کو مسلم علاقوں میں سفر کرنے سے منع کر دیا

لاہور (اُردو پوائنٹ اخبارتازہ ترین۔ 28 اکتوبر2020ء) دنیا بھر میں فرانس کے بائیکاٹ کی مہم عروج پر ہے۔اس کے علاوہ ہر ملک میں مسلمان احتجاج کرتے سڑکوں پر نکلے ہوئے ہیں۔جس کام کو فرانس حکومت نے اپنی سرپرستی میں لانچ کیا تھاآج وہی ایشو ان کے گلے کا پھندہ بننے جا رہا ہے۔شخصی آزادی اور اظہار رائے کی آزادی جیسے معاملات کے بھیس میں مسلمانوں کے جذبات کو اس نے جو ٹھیس پہنچائی ہے اب مسلمانوں کے جذبات کے بہتے سمندر کے آگے ٹکنے کو نہیں آ رہا۔

دنیا بھر کے مسلم ممالک نے نہ صرف فرانس کا معاشی بائیکاٹ کیا بلکہ اپنے سفیروں کو بھی فرانس سے واپس بلانے پر غور کیا جا رہا ہے۔اس کے علاوہ ہر ملک کے پارلیمان میں بھی مذمتی قراردادیں پیش اور منظور کی جا رہی ہیں۔ایسے حالات تو دنیا بھر میں ہیں تاہم بذات خود فرانس میں جب میکرون کی سربراہی میں مسلمانوں کے خلاف کریک ڈاﺅن کیا گیااور مساجد و مدارس کو بند کیا گیا تو وہاں کے مسلمانوں نے بھی اس پر احتجاج کیا۔

(جاری ہے)

اب فرانس کے کونے کونے میں بسنے والے مسلمانوں سے فرانسیسی صدر میکرون خوف کھا رہا ہے۔

The French government is warning its citizens living or traveling in several Muslim-majority countries to take extra security precautions, as anger surges over cartoons of the Prophet Mohammad being displayed in France https://t.co/0zBlwyfRLa pic.twitter.com/mJTQrDjEtC
— Reuters (@Reuters) October 28, 2020

یہی وجہ ہے کہ اس نے اپنے لوگوں کو کہا ہے کہ اگر انہیں ایک جگہ سے دوسری جگہ جانا ہے تو سکیورٹی کے بغیر بالکل بھی نہیں جانااور مسلم اکثریتی علاقوں میں جانے سے بالکل گریز کیا جائے۔

اگر جانا ضروری بھی ہے تو متعلقہ پولیس حکام کو آگاہ کر کے اور سکیورٹی کے حصار میں جانا ہے ویسے نہیں جانا۔ پورے ملک فرانس میں مسلمان سراپا احتجاج ہیں اور بند کیے گئے مساجد و مدارس کو کھلوانے کے حق میں مظاہرے کر رہے ہیں۔تاہم ابھی تک فرانسیسی حکومت نے لاک ڈاﺅن کی گئی مساجد و مدارس کو کھولنے کا حکمنامہ جاری نہیں کیا مگر اپنے لوگوں کو مسلمانوں کے علاقوں میں سفر کرنے سے منع ضرور کر دیا ہے۔