Live Updates

کورونا وائرس کے کیسز کے باعث اسلام آباد کے مختلف سیکٹرز کی گلیوں میں سمارٹ لاک ڈائون لگانے کی سفارش

جمعہ اکتوبر 22:26

کورونا وائرس کے کیسز کے باعث  اسلام آباد کے مختلف سیکٹرز کی گلیوں  میں ..
اسلام آباد(اُردو پوائنٹ اخبارتازہ ترین - اے پی پی۔اے پی پی ۔30اکتوبر ۔2020ء) ڈسٹرکٹ ہیلتھ آفیسر  اسلام آباد ڈاکٹر محمد ضعیم ضیاءنے کہا ہے کہ ڈسٹرکٹ ہیلتھ آفس اسلام آباد کی ٹیموں نے وفاقی دارالحکومت کے مختلف علاقوں میں کورونا وائرس کے حوالے سے نگرانی کی سرگرمیاں انجام دیں۔ جمعہ کو ڈپٹی کمشنر اسلام آباد کے نام لکھے گئے ایک خط میں انہوں نے کہا کہ وفاقی دارالحکومت اسلام آباد کی مختلف گلیوں میں کورونا وائرس کے کیسز دیکھنے میں آئے ہیں۔

(جاری ہے)

ان علاقوں میں گلی نمبر 18، ایف سکس ٹو، گلی نمبر 1 ایف سکس تھری، گلی نمبر 53 ایف سکس فور، گلی نمبر 55 ایف ٹین فور، گلی نمبر 17 آئی ٹین ٹو شامل ہیں۔ انہوں نے مذکورہ علاقوں میں وائرس کی منتقلی کو محدود کرنے کے لئے ان گلیوں کو بند کرنے کی سفارش کی۔ انہوں نے کہا کہ ان علاقوں میں بروقت اور مناسب سمارٹ لاک ڈاون سے اسلام آباد میں وائرس کے پھیلاؤ کو روکنے میں مدد ملے گی۔ لہذا عوامی مفاد میں ان گلیوں میں لاک ڈاون کی سفارش کی جاتی ہے۔ مزید برآں ڈسٹرکٹ ہیلتھ آفس اسلام آباد کی ٹیمیں ایس او پیز پر عمل درآمد کو چیک اور متعلقہ گلیوں اور ملحقہ علاقوں میں کورونا کے کیسز کی نشاندہی کریں گی۔
کرونا وائرس کی دوسری لہر سے متعلق تازہ ترین معلومات