سینئیر تجزیہ کار ڈاکٹر شاہد مسعود نے کورونا ویکسین کے حوالے سے اچھی خبر سنا دی

سپٹنک فائیو ویکسین کامیابی کے ساتھ آچکی ہے اور یہ دوا انتہائی موثر ہے۔ ڈاکٹر شاہد مسعود

سمیرا فقیرحسین بدھ 25 نومبر 2020 10:39

سینئیر تجزیہ کار ڈاکٹر شاہد مسعود نے کورونا ویکسین کے حوالے سے اچھی ..

اسلام آباد (اُردو پوائنٹ تازہ ترین اخبار۔ 25 نومبر 2020ء) : نجی ٹی وی چینل کے پروگرام میں بات کرتے ہوئے سینئیر صحافی و تجزیہ کار ڈاکٹر شاہد مسعود نے عالمی وبا کورونا کی ویکسین کے حوالے سے اچھی خبر دے دی ۔ تفصیلات کے مطابق ڈاکٹر شاہد مسعود نے کہا کہ ہ کورونا ویکسین سپٹنک فائیو کا آنا دنیا کے لیے بہت اچھی خبر ہے، انہوں نے کہا کہ سپٹنک فائیو دنیا کی پہلی رجسٹرڈ ویکسین ہے اور انتہائی مؤثر نتائج کے ساتھ سامنے آئی ہے۔

تجزیہ کار نے بتایا کہ اس ویکسین کی خوراک سے 28 دنوں کے بعد کامیابی کی شرح 91.4 فیصد سامنے آئی جبکہ 40 دن کے بعد 95 فیصد ہے۔ انہوں نے کہا کہ 19 ہزار رضاکاروں کو سپٹنک ویکسین کی پہلی اور دوسری خوراک دی گئی جس میں سے نتائج سامنے آئے ، جبکہ 40 ہزار رضاکوروں کو اس وقت تک ویکسین دی جا چکی ہے۔

(جاری ہے)

انہوں نے کہا کہ ویکسین اس بیماری کا علاج نہیں بلکہ آنے والے دنوں میں کورونا وائرس کو مزید پھیلنے سے روکے گی۔

انہوں نے مزید کیا کہا آپ بھی دیکھیں:

خیال رہے کہ کورونا دن بدن شدت پکڑ رہا ہے۔ گذشتہ 24 گھنٹوں میں کورونا کے 3 ہزار کیسز رپورٹ ہوئے۔نیشنل کمانڈ اینڈ آپریشن سینٹر کی جانب سے جاری اعداد و شمار کے مطابق گذشتہ 24 گھنٹوں میں کورونا سے 59 اموات ہوئیں۔ جس کے بعد ملک بھر میں کورونا وائرس کیسز کی تعداد 3 لاکھ 82 ہزار 892 اور مجموعی اموات کی تعداد 7 ہزار 803 ہو گئی۔

این سی او سی کے مطابق 24 گھنٹوں کے دوران 41 ہزار 583 کورونا ٹیسٹ کیے گئے۔ فعال کیسز کی تعداد 42 ہزار 115ہے۔ملک بھر میں صحتیاب ہونے والوں کی تعداد 3 لاکھ 32 ہزار 947 ہے۔ کورونا کی بگڑتی ہوئی صورتحال کے پیش نظر حکومت نے عوام کو ماسک پہننے اور ایس او پیز پر عملدرآمد کرنے کی ہدایات بھی کیں جبکہ ملک بھر میں تعلیمی ادراے بھی بند کر دئے گئے ہیں۔