Live Updates

پی ڈی ایم کی سیاہ کاریاں بے نقاب ہو چکیں، یہ سیاہ کار اپنے کرتوت چھپانے کیلئے پاکستان کی ترقی پر سیاہی ملنا چاہتے ہیں‘فردوس عاشق اعوان

پی ڈی ایم کا ٹولہ کورونا پھیلانے کا ذمہ دار ہے،عوام کے مسترد شدہ عناصر کے دلوں میں دکھی انسانیت کیلئے رتی بھر درد نہیں اقتدار کی ہوس میں مبتلا ٹولے کی آنکھوں پر کالی پٹی بندھ چکی ہے،چوروں کا ٹولہ اپنی منفی سیاست کیلئے عوام کی زندگیوں کو داؤ پر لگا رہا ہے وزیر اعظم عمران خان اور وزیراعلی عثمان بزدارکی قیادت میں کرپشن کے کورونا وائرس کا مکمل خاتمہ کریں گے‘معاون خصوصی وزیر اعلی

ہفتہ نومبر 19:18

پی ڈی ایم کی سیاہ کاریاں بے نقاب ہو چکیں، یہ سیاہ کار اپنے کرتوت چھپانے ..
لاہور(اُردو پوائنٹ اخبارتازہ ترین - این این آئی۔ 28 نومبر2020ء) وزیراعلی پنجاب کی معاون خصوصی برائے اطلاعات ڈاکٹر فردوس عاشق اعوان نے کہا ہے کہ پی ڈی ایم کا ٹولہ کورونا پھیلانے کا ذمہ دار ہے۔ عوام کے مسترد شدہ عناصر کے دلوں میں دکھی انساشنیت کیلئے رتی بھر درد نہیں۔اقتدار کی ہوس میں مبتلا ٹولے کی آنکھوں پر کالی پٹی بندھ چکی ہے اورچوروں کا ٹولہ اپنی منفی سیاست کیلئے عوام کی زندگیوں کو داؤ پر لگا رہا ہے۔

(جاری ہے)

ایک بیان میں انہوں نے کہا کہ سیاہ کرتوں والے پی ڈی ایم کی سیاہ کاریاں عوام کے سامنے بے نقاب ہو چکی ہیں۔ان عناصر نے اپنے ادوار میں کرپشن کرکے اپنے منہ پر کالک ملی اور یہ سیاہ کار آج اپنے کرتوت چھپانے کے لئے پاکستان کی ترقی پر سیاہی ملنا چاہتے ہیں لیکن 22 کروڑ پاکستانی ان لٹیروں کے جھانسے میں نہیں آئیں گے۔اپوزیشن کی ساری جماعتیں الٹی بھی ہو جائیں،پھر بھی سیدھی طرح لوٹ مار کا حساب دینا ہوگا۔انہوں نے کہا کہ وزیر اعظم عمران خان اور وزیراعلی عثمان بزدارکی قیادت میں کرپشن کے کورونا وائرس کا مکمل خاتمہ کریں گے۔
کرونا وائرس کی دوسری لہر سے متعلق تازہ ترین معلومات