اپوزیشن کے نام نہاد لیڈرز شاہانہ زندگی بسر کر رہے جبکہ عوام کو غریب تر بنا دیا، عمران خان

یہ عوام کی زندگی اور تحفظ کا خیال کیے بغیر جلسے کرنا چاہتے ہیں۔ یہ این آر او کے لیے دباؤ کو آخری ذریعہ سمجھتے ہیں جو کبھی نہیں ہو گا، وزیراعظم کا ٹوئٹ

شہریار عباسی اتوار 29 نومبر 2020 15:57

اپوزیشن کے نام نہاد لیڈرز شاہانہ زندگی بسر کر رہے جبکہ عوام کو غریب ..

اسلام آباد (اُردو پوائنٹ اخبارتازہ ترین ۔ 29 نومبر2020ء) وزیراعظم عمران خان نے کہا ہے کہ اپوزیشن لیڈر صرف اپنے این آر اور کی فکر میں ہیں اور عوام کی زندگیوں سے کھیل رہے ہیں ۔ سماجی رابطوں کی ویب سائٹ ٹوئٹر پر شیئر کیے گئے پیغام میں وزیر اعظم نے کہا کہ اپنے خاندانوں کے لیے لوٹی دولت بچانا ان کا واحد مایوس کن مقصد ہے۔ ہم نے غریبوں اور معیشت کو تباہی سے بچانے کے لیے اسمارٹ لاک ڈاوَن کیا تھا لیکن انہوں نے اسمارٹ لاک ڈاوَن کی مخالفت کی اور ان رہنماوَں نے مکمل لاک ڈاوَن کا مطالبہ کیا تھا لیکن اب دوبارہ اسمارٹ لاک ڈاؤن کی ضرورت ہے تو یہ جلسے کر رہے ہیں۔

So, when we did smart lockdown to save our poor from becoming destitute & save economy from total collapse, these "leaders" opposed & demanded complete lockdown. Now, with new spike, when we again need smart lockdown, they want jalsas not caring for the lives & safety of people
— Imran Khan (@ImranKhanPTI) November 29, 2020

وزیر اعظم عمران خان نے کہا ہے کہ پاکستان کو اس وقت کورونا جیسی صورتحال کا سامنا ہے لیکن سیاسی قیادت عام شہریوں کو درپیش مشکلات کو سمجھنے سے قاصر ہے۔

(جاری ہے)

انہوں نے کہا کہ سیاسی قیادت نےعام شہریوں کی بہتری کے لیے کسی بھی اہم کام میں حصہ نہیں لیا اور اب کورونا میں ہمارا مقابلہ ایسی سیاسی قیادت سے ہے جو جمہوری جدوجہد سے نہیں گزرے۔

Problem confronting us in Pak during COVID 19 is of a political leadership that has never gone through any democratic struggle, nor worked with ordinary citizens to understand the problems they confront, nor contributed in any substantive way for betterment of ordinary citizens.
— Imran Khan (@ImranKhanPTI) November 29, 2020

In fact not only do these "leaders" lack any empathy with the masses, their families looted national wealth to further impoverish our masses. These entitled "leaders" living like royalty in their secluded mansions, have simply inherited their positions because of their families.
— Imran Khan (@ImranKhanPTI) November 29, 2020

انہوں نے کہا کہ یہ عوام کی زندگی اور تحفظ کا خیال کیے بغیر جلسے کرنا چاہتے ہیں۔ یہ این آر او کے لیے دباؤ کو آخری ذریعہ سمجھتے ہیں جو کبھی نہیں ہو گا۔ عمران خان نے کہا کہ ان کو عوام کے ساتھ کوئی ہمدردی نہیں ہے اور انہوں نے قومی دولت لوٹ کر عوام کو مزید غریب بنا دیا ہے۔ اپوزیشن کے نام نہاد لیڈرز شاہانہ زندگی بسر کر رہے ہیں۔