پاکستان میں ایڈز کے مریضوں کی تعداد میں 75 فیصد اضافہ

عالمی وبا قرار دیے جانے والے کورونا وائرس کی وجہ سے ایڈز کے مریضوں کو مشکلات کا سامنا ہے، عالمی ادارہ صحت

پیر 30 نومبر 2020 23:45

اسلام آباد (اُردو پوائنٹ اخبارتازہ ترین - این این آئی۔ 30 نومبر2020ء) پاکستان میں ایڈز کے مریضوں کی تعداد میں 75 فیصد اضافہ ریکارڈ کیا گیا ہے۔ نجی ٹی وی کے مطابق عالمی ادارہ صحت نے خطرے کی گھنٹی بجاتے ہوئے بتایا کہ پاکستان میں ایڈز کے مریضوں کی تعداد میں بے پناہ اضافہ ہوا ہے۔عالمی ادارہ صحت کے مطابق پاکستان میں ایڈز کے مریضوں کی تعداد 75 فیصد بڑھ گئی ہے۔

(جاری ہے)

دستیاب اعداد و شمار کے مطابق ملک میں اس وقت ایڈز کے مریضوں کی تعداد 1 لاکھ 90 ہزار ہے۔عالمی ادارہ صحت کی رپورٹ کے تحت گزشتہ سال پاکستان میں ایڈز کے 25 ہزار کیسز رجسٹرڈ ہوئے تھے۔عالمی ادارہ صحت نے کہا کہ عالمی وبا قرار دیے جانے والے کورونا وائرس کی وجہ سے ایڈز کے مریضوں کو مشکلات کا سامنا ہے۔عالمی ادارہ صحت نے زور دیا ہے کہ ایڈز کے مریضوں کو سہولتوں کی فراہمی یقینی بنائی جائے۔عالمی ادارہ صحت نے یہ بات بھی تسلیم کی ہے کہ ایڈز کے مریضوں کو دیگر ممالک میں بھی مسائل کا سامنا ہے۔