Live Updates

تعلیمی بورڈز کے لئے ریگولر داخلے بھیجنے کی پالیسی میں تبدیلی کی تجویز

سرکاری کالجوں کے انٹرمیڈیٹ طلبا کے بورڈز میں داخلے بھیجنے کے لئے دسمبر ٹیسٹ کی شرط ختم کی جائیگی

منگل جنوری 17:47

لاہور(اُردو پوائنٹ اخبارتازہ ترین - این این آئی۔ 12 جنوری2021ء) تعلیمی بورڈز کے لئے ریگولر داخلے بھیجنے کی پالیسی میں تبدیلی کی تجویز دیدی گئی ، سرکاری کالجوں کے انٹرمیڈیٹ طلبا کے بورڈز میں داخلے بھیجنے کے لئے دسمبر ٹیسٹ کی شرط ختم کی جائے گی۔تفصیلات کے مطابق سرکاری کالجوں میں انٹرمیڈیٹ میں زیر تعلیم طلبا و طالبات کے تعلیمی بورڈز میں داخلے بھیجنے کی پالیسی تبدیل کی جا رہی ہے۔

(جاری ہے)

کالجوں میں طلبا کے اسسمنٹ ٹیسٹ کے بغیر ہی بورڈز میں داخلے بھیجے جائیں گے۔ کورونا کے باعث تعلیمی اداروں کی بندش کے پیش نظر دسمبر ٹیسٹ کی شرط ختم کرنے کی تجویز ہے۔پالیسی کے تحت بورڈ میں ریگولر داخلہ بھیجنے کے لئے دسمبر ٹیسٹ پاس کرنے اور 75 فیصد حاضری کی شرط عائد ہے۔ پالیسی میں نرمی کے بعد سرکاری کالجوں میں زیر تعلیم تمام طلبا کے بورڈز میں داخلے بھیجے جائیں گے۔ ڈی پی آئی کالجز پنجاب محکمہ ہائیر ایجوکیشن سے حتمی منظوری حاصل کرے گا۔
کرونا وائرس کی دوسری لہر سے متعلق تازہ ترین معلومات

متعلقہ عنوان :