صحت کونقصان پہنچانے والے عوامل کاسدباب بروقت ہوناچاہیے، سینیٹرنزہت عامرصادق

تمباکواورشوگری ڈرنکس کے استعمال سے بڑھنے والے امراض سنجیدہ مسئلہ ہے ،ہم اپناکرداراداکرینگے،پناہ کی عوام کی صحت کوبچانے کی کاوشیں قابل تحسین ہیں،پناہ کے ساتھ کھڑے ہیں‘چیئرپرسن سٹینڈنگ کمیٹی کی پناہ کے جنرل سیکریٹری ثناء اللہ گھمن سے گفتگو

پیر 18 جنوری 2021 13:42

صحت کونقصان پہنچانے والے عوامل کاسدباب بروقت ہوناچاہیے، سینیٹرنزہت ..

اسلام آباد (اُردو پوائنٹ اخبارتازہ ترین - این این آئی۔ 18 جنوری2021ء) چیئرپرسن سینٹ سٹینڈنگ کمیٹی میری ٹائمز افیئرزومسلم لیگ (ن) کی سینئر رہنما نزہت عامرصادق نے کہاکہ اچھی صحت سب کاحق ہے ،صحت کونقصان پہنچانے والے عوامل کاسدباب بروقت ہوناچاہیے ،ہیلتھ لیوی بل معاملہ میں پناہ کے ساتھ کھڑے ہیں ،اپنامثبت کرداراداکرینگے۔یہ بات انھوںنے پاکستان نیشنل ہارٹ ایسوسی ایشن (پناہ) کے جنرل سیکریٹری ثناء اللہ گھمن سے ملاقات کے دوران کہی ،اس موقع پرسینیٹرنزہت عامر صادق نے پناہ کی کاوشوں کوسراہا،پناہ کے جنرل سیکریٹری ثناء اللہ گھمن نے کہاکہ پناہ گزشتہ چھتیس سال سے عوام کودل کے امراض سے متعلق آگہی دے رہی ہے،صحت مندطرززندگی،متوازن غذا،مناسب ورزش،سگریٹ نوشی سے پرہیز،ذہنی تنائو سے بچاو،ذیابطیس اوربلڈپریشرکامکمل علاج پناہ کاپیغام ہے ،تاکہ دل توانارہے ۔

(جاری ہے)

جنرل سیکریٹری ثناء اللہ گھمن نے کہاکہ دل ،کینسر،ذیابیطس ،معدہ سمیت متعدد امراض کی ایک بڑی وجہ تمباکونوشی اورشوگری ڈرنکس کاباقاعدہ استعمال ہے،عوام کی صحت بچانے کے لئے جوہیلتھ لیوی بل دوسال قبل وفاقی کابینہ سے پاس ہوا،اس پرآج تک عمل درآمدنہ ہوسکا،بل کی راہ میں رکاوٹ بننے میں ایف بی آر کااہم کردارہے ،یہ عوام کی صحت کامعاملہ ہے مذاق نہیں ،حکومت ادارے عوام کی صحت کے ضامن ہیں،نزہت عامر صادق سینیٹ کی قابل احترام ممبرہیں،جن سے پناہ درخواست کرتی ہے کہ پناہ کی آوازکومتعلقہ اداروں تک پہنچایاجائے ۔

سینیٹر نزہت عامر صادق نے کہاکہ ہیلتھ لیوی بل اس وقت کس اسٹیج پرہے اوراس کی راہ میں کس طرح کی رکاوٹ درپیش ہے ،اس میں اپناکرداراداکرینگے،پناہ عوام کی صحت کوبچانے کے لئے کام کررہی ہے ،اس میں ہم پناہ کے ساتھ ہیں۔