بہاولنگر‘ ہسپتال میں خواتین سے جنسی زیادتی کی ویڈیو بنانے اور سوشل میڈیا پر وائر ل کرنے کے بڑے اسیکنڈل کا انکشاف‘مقدمہ درج‘ملزم مفرور

جمعہ 29 جنوری 2021 15:45

بہاولنگر(اُردو پوائنٹ اخبارتازہ ترین - این این آئی۔ 29 جنوری2021ء) ہسپتال میں خواتین سے جنسی زیادتی کی ویڈیو بنانے اور سوشل میڈیا پر وائر ل کرنے کے بڑے اسیکنڈل کا انکشاف ،پولیس نے مقدمہ درج کر لیا ملزم تا حال مفرور ۔تفصیلات کے مطابق بہاولنگر کے علاقہ فورٹ عباس کے نجی ہسپتال میں ڈاکٹر خالد محمود مریض خواتین کو اپنی جنسی حوس کا نشانہ بنا تا تھا اور الٹرا سائونڈ کے بہانے الٹرا سائونڈ روم میں لیجا کر جنسی زیادتی کے ساتھ ساتھ ویڈیو بھی بناتا تھا جو بعد ازاں سوشل میڈیا پر بھی وائرل ہو ئی جس پر پولیس تھانہ فورٹ عباس نے ملزم ڈاکٹر خالد محمود کے خلاف قانونی کاروائی کرتے ہوئے مقدمہ نمبر 34/21 خلاف زیر دفعہ 292ت ۔

پ اور294ت ۔پ کے تحت مقدمہ درج کر لیا ہے ایف آئی آر کے مطابق ملزم ڈاکٹر خالد محمود نے ہارون آباد روڈ پر اپنا پرائیویٹ ہسپتال ملک ہسپتال بنا رکھا ہے ۔

(جاری ہے)

ہسپتال میں مذکورہ ڈاکٹر الٹرا سائونڈ ہسپتال کی آڑ میں مختلف لڑکیوں سے زناء حرام کرتا ہے اور مسماة رخسانہ بی بی اور سمیرا عرف گڈیا سے ملکر نازیبا ،فحش اور حرام کاری کی ویڈیو بنا کر سوشل میڈیا پر وائر ل کی ہے ۔

تاہم مقدمہ میں خالد محمود کی ولدیت غلط لکھ دی ۔مقدمہ درج ہونے کے بعد تا حال ملزم ہسپتال چھوڈ کر فرار ہو گیا ہے اس سلسلہ میں ڈی ایس پی فورٹعباس احمد سجاد چیمہ کے مطابق ملزم کے خلاف قانونی کاروائی عمل میں لائی جا رہی اسکے خلاف مقدمہ درج کر لیا گیا اور اسکی گرفتاری کے لئے ٹیم تشکیل دے دی گئی ہے بہت جلد اسکی گرفتاری عمل میں لائی جائے گئی ۔تفتیش کے بعد ہی مزید حقائق سامنے آئے گئے ۔