سرگودھا شہر اور گردونواح میں شدید دھند کا راج جاری رہنے سے حد نگاہ صفر اور ٹریفک کی روانی متاثر رہی

منگل 16 فروری 2021 12:00

سرگودھا(اُردو پوائنٹ اخبارتازہ ترین - این این آئی۔ 16 فروری2021ء) سرگودھا شہر اور گردونواح میں شدید دھند کا راج جاری رہنے سے حد نگاہ صفر اور ٹریفک کی روانی متاثر رہی جبکہ کئی مقامات پر موٹروے کو ٹریفک کے لئے بند رکھا گیا۔

(جاری ہے)

زرائع کے مطابق سرگودھا شہر اور گردونواح میں گزشتہ روز بھی دھند کا راج رہا اورشدید دھند کی وجہ سے حد نگاہ انتہائی کم ہو گء جبکہ شہری گھروں میں محصور ہو کر رہ گئے اور سردی کی شدت میں ایک بار پھر اضافہ پایا جا رہا ہے۔

علاقہ میں شدید دھند کی وجہ سے سرگودھا، جھنگ، سلانوالی خوشاب،سوبھاگا روڈ پر ٹریفک کی روانی معطل ہو کر رہ گئی۔موٹروے کو بھی کئی مقامات پر ٹریفک کے لئے بند رکھنے کا سلسلہ جاری رہا۔اس صورتحال میں ٹریفک پولیس حکام کا کہنا ہے کہ شہری غیر ضروری سفر سے پرہیز کریں۔عوام گاڑیوں میں فوگ لائٹس کے استعمال کم سپیڈ اور فاصلہ کو یقینی بنائیں۔