مالی گوشواروں کی تفصیلات جمع نہ کرانے پر 9 اراکین قومی و صوبائی اسمبلیوں کے سینیٹ میں ووٹ خطرے میں پڑ گئے

رکنیت معطل ہونے کے باعث اراکین قومی و صوبائی اسمبلی سینیٹ انتخاب کے لیے ووٹ نہیں ڈال سکیں گے،ذرائع

منگل 16 فروری 2021 13:49

اسلام آباد(اُردو پوائنٹ اخبارتازہ ترین - این این آئی۔ 16 فروری2021ء) مالی گوشواروں کی تفصیلات جمع نہ کرانے پر 9 اراکین قومی و صوبائی اسمبلیوں کے سینیٹ میں ووٹ خطرے میں پڑ گئے۔

(جاری ہے)

ذرائع کے مطابق مالی گوشواروں کی تفصیلات جمع نہ کرانے پر 9 اراکین قومی و صوبائی اسمبلیوں کی رکنیت معطل ہے،رکنیت معطل ہونے کے باعث اراکین قومی و صوبائی اسمبلی سینیٹ انتخاب کے لیے ووٹ نہیں ڈال سکیں گے،قومی اسمبلی سے 1،صوبائی اسمبلیوں سے 8 ممبران نے مالی گوشوارے جمع نہیں کرائے ،چوہدری نثار علی خان حلف نہ اٹھانے کے باعث ووٹ نہیں ڈال سکیں گے،این اے 185 رکن قومی اسمبلی مخدوم زادہ سید باسط احمد سلطان نے مالی گوشورے جمع نہیں کرائے ،پی پی 50 نارووال خواجہ محمد وسیم،پی پی 136 شیخوپورہ سے خرم اعجاز کی رکنیت معطل ہے،پی پی 272 مظفرگڑھ سے زہرا بتول،پی ہی 275 مظفر گڑھ خرم سہیل خان لغاری کی رکنیت معطل ہے،پی ایس 72 بدین سے حسنین علی مرزا،پی کے 109 کرم سید اقبال میاں،پی کے 111 نارتھ وزیرستان محمد اقبال خان کی رکنیت بھی معطل ہے،ایک آزاد رکن قومی اسمبلی ،پی ٹی آئی کے پانچ ایم پی ایز ،ن لیگ اور جی ڈی اے کے ایک ایک رکن کی رکنیت معطل ہے۔