پی پی کے مرکزی رہنما سید خورشید احمد شاہ کے بھتیجے انتقال کر گئے

جمعرات اپریل 18:05

سکھر(اُردو پوائنٹ اخبارتازہ ترین - این این آئی۔ 29 اپریل2021ء) پی پی کے مرکزی رہنما سید خورشید احمد شاہ کے بھتیجے انتقال کر گئے ، نمازہ جنازہ رات دیر منزل گاہ گرائونڈ میں ادا کی گئی ، پیپلز پارٹی کے رہنما سید خورشید شاہ دو روزہ پیرول پر آزاد ،بھتیجے کے انتقال پر آخری رسومات میں شرکت کریں گے، زرائع ، تفصیلات کے مطابق پاکستان پیپلز پارٹی کے مرکزی رہنما سید خورشید احمد شاہ کے بھتیجے مرحوم سید علی نواز شاہ کے صاحبزادے سید عدیل شاہ گذشتہ روز کراچی کے اسپتال میں دوران علاج رضائے الہی سے فوت ہو گئے ، مرحوم کی نماز جنازہ رات دیر گئے منزل گاہ گراؤنڈ میں ادا کی گئی ۔

(جاری ہے)

نماز جنازہ میں پی پی رہنمائوں ، کارکنان سمیت سماجی ، سیاسی و معززین شہریوں سمیت مذہبی و تاجر تنظیموں کے رہنمائوں نے شرکت کی اور سوگواروں سے تعزیت کا اظہار کیا دوسری جانب پیپلز پارٹی کے رہنما سید خورشید شاہ دو روزہ پیرول پر آزاد ہوئے اس سلسلے میں محکمہ داخلا سندھ نے آرڈر جاری کیا ، زرائع کے مطابق: خورشید شاہ بھتیجے کے انتقال پر آخری رسومات میں شرکت کریں گے۔