شہر قائد میں دوکانداروں نے رینجرز اہلکاروں پر تھپڑو اور گھونسوں کی بارش کر دی

کورونا ایس او پیز پر عمل درآمد کروانا جرم بن گیا، دکانداروں کا رینجرز اہکاروں پر تشدد، متعدد رینجرز اہکار زخمی حالت میں ہسپتال منتقل، پولیس

دانش احمد انصاری منگل 11 مئی 2021 23:09

شہر قائد میں دوکانداروں نے رینجرز اہلکاروں پر تھپڑو اور گھونسوں کی ..

کراچی (اُردو پوائنٹ اخبارتازہ ترین۔ 11 مئی2021ء) کورونا ایس او پیز پر عمل درآمد کروانا جرم بن گیا، شہر قائد میں دوکاندار نے رینجرز اہلکاروں پر تھپڑو اور گھونسوں کی بارش کر دی، متعدد رینجرز اہکاروں کو زخمی حالت میں ہسپتال منتقل کر دیا- تفصیلات کے مطابق کراچی کے علاقے لیاری میں دکاندار آپے سے باہر ہوگئے، دکانداروں نے کورونا ایس او پیز پر عمل کرانے کے لیے آنے والے رینجرز اہلکاروں کو تشدد کا نشانہ بنایا۔

پولیس کا کہنا ہے کہ رینجرز اور پولیس ایس او پیز پر عمل کرانے لیاری کے علاقے بہار کالونی گئی تھی۔ پولیس کے مطابق 2 دکانداروں نے رینجرز اہلکاروں پر تشدد کیا، ملزمان کو گرفتار کرلیا گیا ہے، دونوں ملزمان بھائی ہیں۔ پولیس کا کہنا ہے کہ دونوں ملزمان کے خلاف سرکار کی مدعیت میں مقدمہ درج کرلیا گیا ہے۔

(جاری ہے)

واضح رہے کہ گزشتہ روز کراچی کے علاقے غریب آباد میں پولیس کی جانب دکانیں بند کرانے کے دوران تشدد کے خلاف علاقہ مکینوں نے احتجاج کیا تھا۔

احتجاجی مظاہرین نے الزام عائد کیا تھا کہ لیاقت آباد تھانے کے پولیس اہلکاروں نے گھروں کے دروازوں پر لاتیں ماریں، مشتعل مظاہرین نے غریب آباد کی مین شاہراہ پر پولیس کے خلاف شدید احتجاج کیا تھا اور سڑک پررکاوٹیں رکھ کر دونوں اطراف کی سڑک بلاک کر دی تھی۔ احتجاج کے باعث سوک سینٹر سے غریب آباد اور ناظم آباد سے غریب آباد تک بدترین ٹریفک جام ہوگیا تھا۔ْ