مریخ ہیلی کاپٹر مشن: پاکستانی انجینیئر احمد اویس نے قوم کا سر فخر سے بلند کردیا

انجینیئر احمد اویس نے مریخ 2020ء ہیلی کاپٹر مشن کے لیے سافٹ ویئر کا کوڈ ترتیب دیا، امریکی سفارتخانے کا خراج تحسین

سمیرا فقیرحسین منگل 18 مئی 2021 14:49

مریخ ہیلی کاپٹر مشن: پاکستانی انجینیئر احمد اویس نے قوم کا سر فخر سے ..

اسلام آباد (اُردو پوائنٹ تازہ ترین اخبار۔ 18 مئی 2021ء) : پاکستان میں کسی طور ٹیلنٹ کی کمی نہیں ہے، پاکستان کے نوجوان لڑکے اور لڑکیاں دنیا میں کہیں بھی ہوں اپنی صلاحیتوں کا لوہا منوا ہی لیتے ہیں۔ ایسے ہی ایک پاکستانی انجینئیر احمد اویس نے اپنے شاندار کارنامے سے قوم کا سر فخر سے بلند کردیا، جس پر امریکی سفارتخانے بھی پاکستانی انجینئیر کو خراج تحسین پیش کیا۔

میڈیا رپورٹ کے مطابق پاکستانی ایوارڈ یافتہ اوپن سورس انجینیئر احمد اویس نے مریخ 2020ء ہیلی کاپٹر مشن کے لیے سافٹ وئیر کا کوڈ ترتیب دیا جس پر امریکی سفارتخانے نے خراج تحسین پیش کیا۔ امریکی سفارتخانے کا کہنا ہے کہ پاکستانی ڈیولپرز صحیح معنوں میں دنیا میں اپنی شناخت بنا رہے ہیں اور احمد اویس پاکستانی ایوارڈ یافتہ اوپن سورس انجینئیر ہیں۔

(جاری ہے)

Pakistani developers are truly making their mark in the world. #DidYouKnow Ahmad Awais (@MrAhmadAwais), a Pakistani award-winning open-source engineer, contributed code to the software for the Mars 2020 helicopter mission, also known as NASA’s Ingenuity Helicopter? pic.twitter.com/RD3nDUY3Ig
— U.S. Embassy Islamabad (@usembislamabad) May 17, 2021

یاد رہے کہ گزشتہ دنوں امریکی خلائی ادارے ناسا کا پرسیورینس مشن کامیابی سے مریخ پر لینڈ کرگیا تھا جس کے بعد ناسا نے چھوٹا ہیلی کاپٹر انجینیوٹی مریخ پر اڑایا تھا، ہیلی کاپٹر انجینیوٹی نے مریخ پر کامیاب اُڑان بھری تھی، مشن 239 ملین میل کا سفر طے کرکے منزل پر پہنچا تھا، ناسا کے اس پرسیورینس نے خلا میں 12 ہزار میل فی گھنٹہ کی رفتار سے سفر طے کیا۔

مشن پر 2 ارب 20 کروڑ ڈالر لاگت آئی اور یہ مشن 2 سال کے لیے بھیجا گیا تھا جس کا مقصد مریخ پر زندگی کو تلاش کرنا ہے، پرسیورینس درحقیقت ایک روبوٹ ہے جو ایسٹروبائیلوجسٹ یعنی مریخ کی سطح پر زندگی کے آثار تلاش کرے گا اور یہ ناسا کا پہلا روور ہے جو مریخ پر بھیجا گیا ہے، یہ روبوٹ پہلے بھیجے گئے زیادہ جدید ہے اور زیادہ دیر تک قائم رہ سکتا ہے۔