پاکستان مسلم لیگ ن کی مرکزی رہنما مریم نواز کا جہلم میں فقید المثال استقبال کیا گیا

(جاری ہے)

جس کیلئے سوہاوہ ، دینہ اور جہلم میں مختلف استقبالیہ کیمپ لگائے گئے تھے جبکہ ورکروں کی کثیر تعداد موجود تھی تفصیلات کے مطابق مریم نواز نے آزاد کشمیر میں ہونے والے انتخابات کیلئے الیکشن کمپین کے سلسلہ میں بھمبر جانا تھا جب وہ سوہاوہ پہنچی تو سابق ایم پی اے راجہ اویس خالد اور ورکروں نے اسی طرح دینہ میں سابق ایم پی اے مہر محمد فیاض کے علاوہ عہدیداروں اور ورکروں نے جبکہ جہلم میں جادہ جی ٹی روڈ پر مرکزی ایڈیشنل جنرل سیکر ٹری بلال اظہر کیانی ، سابق رکن قومی اسمبلی راجہ محمد اسد خان ، سابق رکن پنجاب اسمبلی چوہدری سعید اقبال کے علاوہ حلقہ جموں 6سے راجہ محمد صدیق نے اپنے ورکروں کے ساتھ ان کا بے مثال استقبال کیا حیران کن بات یہ ہے کہ مسلم لیگ ن کے مختصر نوٹس پر ہر جگہ کارکنوں کی کثیر تعداد موجود تھی جنہوں نے نعرے لگا کر اور مریم نواز کی گاڑی پر پھولوں کی پتیوں کی بارش کر کے ان کا استقبال کیا جبکہ جی ٹی روڈ پر ہولڈنگ بورڈز لگائے گئے تھے اسی طرح سابق رکن قومی اسمبلی نوابزادہ راجہ مطلوب مہدی خان سابق رکن پنجاب اسمبلی چوہدری ندیم خادم ، سابق رکن پنجاب اسمبلی شہنشاہ تعمیرات چوہدری لال حسین ،مسلم لیگ ن کے ضلعی صدر چوہدری محمد بوٹا جاوید ، شیخ شکیل احمد ، ظہیر خان ، ارسلان جاوید، چیئر مین ٹی ایم اے حاجی مرزا راشد ندیم جرال اور سابق رکن پنجاب اسمبلی چوہدری محمد ثقلین ، مسلم لیگ ن یوتھ ونگ کے ضلعی صدر نوابزادہ راجہ طالب مہدی خان اپنی یوتھ ونگ کے نوجوانوں کے علاوہ ٹی ایم اے کے کونسلرز کے علاوہ تمام کارکنوں عہدیداروں اور عوام نے استقبال کر کے ثابت کیا ہے کہ مسلم لیگ ن کا ورکر آج بھی مسلم لیگ ن کے ساتھ ہے جبکہ مریم نواز نے اتنے شاندار استقبال پر تمام قائدین اور ورکروں کا شکریہ ادا کیا اور مریم نواز الیکشن کمپین کے ضمن میں آزاد کشمیر کی طرف روانہ ہو گئی ۔