جم خانہ کلب میں نوازشریف نام کا ایک موٹا سا آدمی میچ کھیلنے آتا تھا، عمران خان

نوازشریف نے کرکٹ بھی سیاست کی طرح کھیلی، میچ کھیلنے کیلئے ایمپائر ساتھ لاتا، جب آوَٹ ہوتا تو ایمپائر نوبال کردیتے، جبکہ میں کرکٹ کی دنیا میں نیوٹرل ایمپائر لایا، اب الیکشن ریفارمز کیلئے کوئی نہیں آرہا۔ وزیراعظم کا آزاد کشمیر میں خطاب

sanaullah nagra ثنااللہ ناگرہ جمعہ 23 جولائی 2021 19:05

جم خانہ کلب میں نوازشریف نام کا ایک موٹا سا آدمی میچ کھیلنے آتا تھا، ..
مظفرآباد (اردوپوائنٹ اخبارتازہ ترین۔23 جولائی2021ء) وزیراعظم عمران خان نے کہا ہے کہ جم خانہ کلب میں نوازشریف نام کا ایک موٹا سا آدمی میچ کھیلنے آتا تھا، نوازشریف نے کرکٹ بھی سیاست کی طرح کھیلی، نوازشریف میچ کھیلنے کیلئے اپنے ایمپائر ساتھ لاتا، جب نوازشریف آوَٹ ہوتا تو ایمپائر نوبال کردیتے،جبکہ میں کرکٹ کی دنیا میں نیوٹرل ایمپائر لایا، اب الیکشن ریفارمز کیلئے اپوزیشن کو دعوت دی لیکن کوئی نہیں آتا۔

انہوں نے آزاد کشمیر میں انتخابی جلسے سے خطاب کرتے ہوئے کہا کہ اے اللہ ہم تیری عبادت کرتے ہیں اور تجھ سے ہی مدد مانگتے ہیں، شانداراستقبال پر سب کا شکریہ ادا کرتا ہوں، کہا جارہا ہے کہ آزاد کشمیر کو صوبہ بنانا چاہتا ہوں یہ بات کہاں سے آئی اس کا علم نہیں،کشمیریوں نے اپنی آزادی کیلئے بے حد قربانیاں دیں، پورا یقین ہےکہ کشمیریوں کی قربانیاں ضائع نہیں ہوں گی،کشمیریوں کوان کا حق ملےگا، میری حکومت ریفرنڈم کرائے گی کہ آپ فیصلہ کریں کہ پاکستان کے ساتھ رہنا چاہتے ہو یا آزاد؟ ریفرنڈم میں کشمیری اپنا فیصلہ خود کریں گے۔

(جاری ہے)

دونوں حکومتوں کے 10سالہ ادوار اور ہمارے 3 سال کا موازنہ کرلیں، کیا 10سال میں اقوام متحدہ میں کسی نے کشمیر کا نام لیا تھا؟ یہ لوگ تو مودی کو شادیوں پر بلاتے تھے، مودی کشمیر میں پیلٹ گنز کا استعمال کرتا تھا اور یہ شادیوں پر بلاتے تھے، پہلی ترجیح آزاد کشمیر کے لوگوں کوغربت سے نکالنا ہے، غربت میں کمی کیلئے احساس پروگرام ملکی تاریخ کا بڑا پروگرام ہے، احساس پروگرام کے تحت غریب افراد کا ڈیٹا مرتب کرلیا، نچلے طبقے کو دال، آٹا، گھی اور چینی میں سبسڈیز دیں گے، 40 فیصد غریب طبقے کو اشیائے ضروریہ پر سبسڈی دیں گے۔

انہوں نے کہا کہ ابھی سے بات چیت شروع ہوگئی ہے کہ الیکشن میں دھاندلی ہوگی۔ وزیراعظم عمران خان نے کہا کہ مسلم لیگ ن نے آج تک کوئی چیز ایمانداری سے نہیں،الیکشن کمیشن ن لیگ کی اور حکومت بھی ن لیگ کی، تو ہم کیسے دھاندلی کریں گے؟ انہوں نے کہا کہ جم خانہ کلب میں ایک موٹا سا آدمی میچ کھیلنے آگیا اس کا نام نوازشریف تھا، نوازشریف نے جس طرح کی سیاست کی اسی طرح کی کرکٹ تھی، نوازشریف جب میچ کھیلنے آتا تھا تو اپنے ایمپائر لے کر آتا تھا، جب نوازشریف آوَٹ ہوتا تھا تو وہ ایمپائر نوبال کردیتے تھے۔

ان کے لیے صرف وہ ٹھیک ہوتا ہے جب ان کا اپنا ایمپائر ہو، جبکہ میں کرکٹ کی دنیا میں نیوٹرل ایمپائر لے کرآیا، ایک سال سے اپوزیشن کو الیکشن ریفارمز کی دعوت دے رہے ہیں کوئی نہیں آتا، ہم نے اپوزیشن کو الیکٹرانک ووٹنگ مشین کی تجویز دی، اس قوم نے عظیم قوم بننا ہے۔ انہوں نے کہا کہ امریکہ کی جنگ میں شرکت کی تو پاکستان میں تباہی مچ گئی، پاکستان میں سب سے زیادہ دہشتگردی سے برا حال خیبرپختونخوا کا تھا، خیبرپختونخوا میں سب سے تیزی سے غربت میں کمی آئی، خیبر پختونخوا میں غربت میں کمی آئی اور امیر اورغریب میں فرق کم ہوا، آزاد کشمیرمیں حکومت ن لیگ کی، الیکشن کمیشن ان کا اوردھاندلی ہم کریں گے؟ ایک سال سے الیکشن ریفارمز کیلئے دعوت دے رہا ہوں بات نہیں سن رہے، الیکٹرانک ووٹنگ مشین سے الیکشن کرانے کی تجویز دی، الیکٹرانک ووٹنگ مشین سے ڈبے چوری ہونے کی شکایات نہیں ہوں گی۔