آئی ٹی سیکٹر میں پاکستان کی برآمدات تاریخ کی بلند ترین سطح تک پہنچ گئیں

حکومت کی نئی معاشی کے ثمرا آناشروع، پاکستان کی انفارمیشن ٹیکنالوجی کی برآمدات میں 47.7 فیصد کا ریکارڈ اضافہ ہو گیا، ذرائع

دانش احمد انصاری منگل 27 جولائی 2021 19:37

آئی ٹی سیکٹر میں پاکستان کی برآمدات تاریخ کی بلند ترین سطح تک پہنچ ..

اسلام آباد (اُردو پوائنٹ، اخبار تازہ ترین، 27جولائی 2021) حکومت کی نئی معاشی کے ثمرا آناشروع، پاکستان کی انفارمیشن ٹیکنالوجی کی برآمدات میں 47.7 فیصد کا ریکارڈ اضافہ ، آئی ٹی سیکٹر میں پاکستان کی برآمدات تاریخ کی بلند ترین سطح تک پہنچ گئیں۔ تفصیلات کے مطابق ملک کی تاریخ میں پہلی مرتبہ گزشتہ مالی سال میں آئی ٹی برآمدات نے 2 ارب ڈالر کی سطح عبور کی ہے۔

میڈیا رپورٹ کے مطابق وزارتِ تجارت کے جاری کردہ اعداد و شمار کے مطابق مالی سال 21-2020 میں انفارمیشن ٹیکنالوجی کی برآمدات 2 ارب 12 کروڑ ڈالر تک پہنچ گئیں جو اس سے پہلے والے سال کے دوران ایک ارب 44 کروڑ ڈالر تھی۔وزیر اعظم کے مشیر تجارت عبدالرزاق داؤد کا اپنے بیان میں کہنا تھا کہ میں ملک کی تاریخ میں پہلی مرتبہ برآمدات کے 2 ارب ڈالر کی سطح عبور کرنے پر آئی ٹی برآمد کنندگان کو مبارک باد دینا چاہتا ہوں۔

(جاری ہے)

عبدالرزاق داؤد نے کہا کہ انہوں نے آئی ٹی پروفیشنلز اور کاروباری افراد کی صلاحیتوں پر ہمیشہ اعتماد کیا ہے، آپ نے زبردست کارکردگی کا مظاہرہ کیا ہے اور میں آپ کی حوصلہ افزائی کرتا ہوں تاکہ آپ اپنی برآمدات کو مزید بڑھائیں۔انہوں نے کہا کہ آئی ٹی کی برآمدات بڑھانے کے لیے مالی سال 22-2021 کے بجٹ میں حکومت نے ٹیکسز اور برآمدات کے طریقہ کار میں متعدد مراعات دی ہیں۔

دوسری جانب دورہ ازبکستان اور سرمایہ کاروں کی جانب سے مثبت نتائج کی توقعات کے بعد مشیر تجارت نے وزیر اعظم پاکستان عمران خان کو دو طرفہ تعاون اور تجارتی معاہدے کے حوالے سے آگاہ کیا۔اس ضمن میں جاری سرکاری بیان میں کہا گیا کہ عبدالرزاق داؤد نے وزیر اعظم کو وسط ایشیائی ریاستوں خاص طور پر تاجکستان کے آئندہ دورے کی حکمت عملی، سرمایہ کاری اور تجارت کے اثرات کے حوالے سے آگاہ کیا۔انہوں نے وزیراعظم کو رواں ہفتے ہونے والے بورڈ آف انویسٹمنٹ (بی او آئی) کے اجلاس اور رواں ماہ متعدد چیمبرز آف کامرس کے ساتھ متوقع سیشن پر بریفنگ دی۔