بیوی کی جدائی نوجوان کیلئے ناقابل برداشت غم بن گیا

نوشہرو فیروز سے تعلق رکھنے والے نوجوان نے بیوی کی جانب سے طلاق لینے کے بعد اپنی زندگی کا خاتمہ کر لیا، لاش 2 دن تک پنکھے سے لٹکی رہی

محمد علی جمعرات 29 جولائی 2021 00:08

نوشہروفیروز(اُردو پوائنٹ اخبارتازہ ترین۔ 28 جولائی2021ء) بیوی کی جدائی نوجوان کیلئے ناقابل برداشت غم بن گیا، نوشہرو فیروز سے تعلق رکھنے والے نوجوان نے بیوی کی جانب سے طلاق لینے کے بعد اپنی زندگی کا خاتمہ کر لیا ۔ تفصیلات کے مطابق نوشہرو فیروز میں خود کشی کا افسوسناک واقعہ پیش آیا۔ بتایا گیا ہے کہ نوشہروفیروز کے علاقے خانزادہ محلہ میں واقع ایک مکان سے نوجوان کی گھر کے پنکھے میں لٹکی لاش برآمد ہوئی۔

واقع کی اطلاع پر پولیس نے پہنچ کر لاش کو ضروری کاروائی کے لئے ہسپتال منتقل کردیا۔ ابتدائی تحقیقات کے مطابق متوفی نوجوان کی شناخت قیوم خانزادہ کے نام سے ہوئی ہے جو بیوی سے علیحدگی ہونے پر غمزدہ تھا۔ کچھ عرصہ قبل نوجوان کی بیوی نے گھریلو جگھڑوں سے تنگ آ کر طلاق لے لی تھی۔

(جاری ہے)

بیوی کی علیحدگی کے بعد سے نوجوان ذہنی طور پر شدید اذیت کا شکار ہو چکا تھا۔

پولیس کے مطابق 2 روز قبل اہل خانہ کی گھر سے غیر حاضری کے دوران نوجوان نے مبینہ طور پر خود کو پنکھے سے لٹکا کر زندگی کا خاتمہ کر لیا، لاش دو روز تک لٹکی رہی اور اہل خانہ کو خبر ہی نہ ہوئی۔ پولیس کے مطابق واقعے کی تفتیش کررہے ہیں کہ واقعہ خودکشی ہے یا اقدام قتل، اصل حقائق جلد سامنے لائے جائیں گے۔ جبکہ نوجوان کی لاش ضروری کاروائی کے بعد ورثہ کے حوالے کر دی گئی۔