آبنائے ہرمز میں چین کے آئل ٹینکر پر حملہ، جہاز پر عملہ بھی سوار تھا

حملہ اس وقت کیا گیا جب جہاز عالمی تجارت کے اہم سمندری راستے آبنائے ہرمز سے گزر رہا تھا۔ حملے کے بعد صورتحال پر مسلسل نگرانی جاری ہے، چینی وزارت خارجہ

فیضان ہاشمی جمعہ 8 مئی 2026 15:48

آبنائے ہرمز میں چین کے آئل ٹینکر پر حملہ، جہاز پر عملہ بھی سوار تھا

بیجنگ (اُردو پوائنٹ اخبارتازہ ترین۔ 08 مئی2026ء) چین کا آئل ٹینکر آبنائے ہرمز میں حملے کی زد میں آگیا۔ چینی وزارت خارجہ نے تصدیق کی ہے کہ ایک آئل ٹینکر، جس پر چینی عملہ موجود تھا، آبنائے ہرمز میں حملے کی زد میں آیا ہے۔ بیان کے مطابق واقعہ پیر کے روز اس وقت پیش آیا جب جہاز عالمی تجارت کے اہم سمندری راستے آبنائے ہرمز سے گزر رہا تھا۔

حملے کے بعد صورتحال پر مسلسل نگرانی جاری ہے۔

(جاری ہے)

چینی وزارت خارجہ نے بتایا کہ جہاز پر چینی شہری موجود تھے، تاہم خوش قسمتی سے کسی جانی نقصان کی اطلاع نہیں ملی۔ دوسری جانب عالمی خبر رساں اداروں کے مطابق یہ واقعہ خلیج کے اس حساس اور اسٹریٹجک راستے میں پیش آیا، جو توانائی کی عالمی ترسیل میں کلیدی حیثیت رکھتا ہے۔ چین نے واقعے سے متعلق تفصیلات کی نگرانی شروع کر دی ہے۔

چینی حکام کا کہنا ہے کہ وہ واقعے کی تفصیلات جمع کر رہے ہیں اور اپنے شہریوں و اثاثوں کی حفاظت کو یقینی بنانے کے لیے تمام ضروری اقدامات کیے جا رہے ہیں۔ فی الحال حملے کی نوعیت اور اس کے پیچھے ملوث عناصر کے بارے میں مزید تفصیلات فراہم نہیں کی گئی ہیں۔