محکمہ داخلہ گلگت بلتستان کا علاقے میں مختلف مقامات پر منجمد جھیلیں ٹوٹنے کے خدشہ

اگلے 2 ہفتے احتیاطی تدابیر پر سخت عمل کرنے کی ضرورت ہے ، عوام غیر ضروری سفر نہ کریں ، محکمہ موسمیات

جمعہ 30 جولائی 2021 13:32

گلگت (اُردو پوائنٹ اخبارتازہ ترین - این این آئی۔ 30 جولائی2021ء) محکمہ داخلہ گلگت بلتستان نے علاقے میں مختلف مقامات پر منجمد جھیلیں ٹوٹنے کے خدشے سے خبر دارکرتے ہوئے کہاہے کہ اگلے 2 ہفتے احتیاطی تدابیر پر سخت عمل کرنے کی ضرورت ہے ، عوام غیر ضروری سفر نہ کریں ۔

(جاری ہے)

جاری اعلامیہ کے مطابق گلگت بلتستان کے محکمہ داخلہ نے بتایا کہ اگلے 2 ہفتے احتیاطی تدابیر پر سخت عمل کرنے کی ضرورت ہے لہٰذا عوام خصوصاً سیاحوں سے اپیل کی ہے کہ وہ غیرضروری سفر نہ کریں ، ٹورازم ڈپارٹمنٹ موزوں مقامات پر سیاحوں کے لیے احتیاطی تدابیر کی معلومات آویزاں کرے۔

محکمہ داخلہ نے کہا کہ تمام ڈسٹرکٹ مینجمنٹ اتھارٹیز اپنے اضلاع میں ایمرجنسی کنٹرول روم قائم کریں، تمام محکمے کسی بھی ناگہانی آفت سے نمٹنے کے لیے ہر وقت تیار رہیں، ریسکیو 1122 کی ٹیموں کو بھی الرٹ کردیا گیا ہے، معلومات کی بروقت فراہمی کے لیے پولیس کنٹرول رومز بھی ہائی الرٹ کردیے گئے ہیں۔ محکمہ داخلہ نے اعلان کیا ہے کہ قدرتی آفت کی اطلاع جی بی ڈی ایم اے کے ٹیلی فون نمبر05811920874 پر دی جائے۔

Facebook Twitter Google + Share on Whatsapp

محکمہ داخلہ گلگت بلتستان کا علاقے میں مختلف مقامات پر منجمد جھیلیں ٹوٹنے کے خدشہ

اگلے 2 ہفتے احتیاطی تدابیر پر سخت عمل کرنے کی ضرورت ہے ، عوام غیر ضروری سفر نہ کریں ، محکمہ موسمیات

متعلقہ عنوان :

مزید موسم کی خبریں