اسلام آباد پولیس اپنے شہداءکے عظیم خاندانوں اور غازیوں کے ساتھ اظہار یکجہتی کے لئے یکم اگست سے یوم شہداءکے حوالے سے پروقارتقریبات کا آغاز کر رہی ہے،آئی جی اسلام آباد

تفصیلات کے مطابق 4اگست کو یوم شہدائے پولیس کے سلسلے میں سنٹرل پولیس آفس میں اجلاس منعقد کیا گیا جس کی صدارت آئی جی اسلام آباد قاضی جمیل الرحمان نے کی ، اجلاس میں ڈی آئی جیز،ایس ایس پیز،زونل ایس پیز اور ایس ڈی پی اوز نے شرکت کی

پیر 2 اگست 2021 11:38

اسلام آباد پولیس اپنے شہداءکے عظیم خاندانوں اور غازیوں کے ساتھ اظہار ..

اسلام آباد (اُردو پوائنٹ اخبارتازہ ترین۔ 02 اگست2021ء) اسلام آباد پولیس یوم شہداء دن کے حوالے سے یکم اگست سے پروقار تقریبات کا آغاز کر رہی ہے اس سلسلے میں مختلف اقدامات کئے جارہے ہیں وفاقی دارلحکومت کی اہم شاہراہوں پر شہدائے پولیس کی تصاویر اور ان کی قربانیوں کی داستان پر مبنی خصوصی پورٹریٹ،پوسٹرز اور بینرز آویزاں کئے جائیں گے ،پولیس کے شہداء کو خراج تحسین پیش کرنے کے لئے چیمبر آف کامرس اینڈ انڈسٹری، این جی اوز،سول سوسائٹیز اور مختلف مکتبہ فکر کے لوگوں کی جانب سے شہداءچوک میلوڈی مارکیٹ میں شمع روشن کی جائیں گی جبکہ شہداءکے درجات کی بلندی کے لئے خصوصی دعائیہ تقریبات کا بھی آغاز کیا جارہا اس سلسلے میں مساجد،تھانہ جات میں قرآن خوانی کا بھی اہتمام کیا جائے گا

جبکہ 4 اگست کے دن کا آغاز پولیس لائن ہیڈ کوارٹرز میں خصوصی تقریب سے کیا جائے گا جس میں آئی جی اسلام آباد قاضی جمیل الرحمان و دیگر سینئیر پولیس افسران کے ہمراہ یادگار شہداء کو خراج تحسین پیش کرتے ہوئے پھولوں کی چادر چڑھائیں گئے اور ان کے درجات کی بلندی کے لئے فاتحہ خوانی کی جائے گی

اسلام آباد پولیس پہلی دفعہ (شام شہداء) کے نام سے 4 اگست کی شام خصوصی پروقار تقریب کا اہتمام کررہی ہے جس میں شہداء کی فیملیز سمیت ہر مکتبہ فکر کے لوگوں کو دعوت نامے جاری کیے جارہے ہیں شام کی تقریب میں شمع روشن کی جائیں گی شہداء اور غازیوں کو خراج تحسین پیش کیا جائے گا

یوم شہدائے پولیس منانے کا مقصد اپنے فرائض کی انجام دہی کے دوران جانیں قربان کرنے والے شہداءکی لازوال قربانیوں کو تسلیم کرتے ہوئے بھرپور انداز میں خراج تحسین پیش کرنا ، ان کے اہل خانہ کے ساتھ اظہارِ یکجہتی کرنا اوراس بات کو باور کرانا ہے کہ ہم اپنے شہداءکو نہیں بھولے۔