Live Updates

سابق وزیراعلی سندھ قائم علی شاہ کورونا وائرس میں مبتلاہوگئے

عدالت میں پیش نہ ہوسکے، عدالت نے عبوری ضمانت میں 21 ستمبر تک توسیع کردی

منگل 3 اگست 2021 17:11

سابق وزیراعلی سندھ قائم علی شاہ کورونا وائرس میں مبتلاہوگئے
کراچی (اُردو پوائنٹ اخبارتازہ ترین - این این آئی۔ 03 اگست2021ء) سابق وزیراعلی سندھ قائم علی شاہ کورونا وائرس میں مبتلا ہونے کے باعث عدالت میں پیش نہ ہوسکے، عدالت نے عبوری ضمانت میں 21 ستمبر تک توسیع کردی۔سندھ ہائیکورٹ میں محکمہ اطلاعات سندھ میں غیر قانونی بھرتیوں اور اختیارات کا ناجائز استعمال کے کیس میں سید قائم علی شاہ، شرجیل انعام میمن اور دیگر کی درخواست ضمانت کی سماعت ہوئی۔

سابق وزیراعلی سندھ قائم علی شاہ کورونا وائرس کا شکار ہوگئے۔

(جاری ہے)

قائم علی شاہ کی میڈیکل رپورٹ عدالت میں پیش کردی گئی۔ وکیل نے عدالت کو بتایا کہ قائم علی شاہ علیل ہیں پیش نہیں ہوسکتے۔ شرجیل میمن عدالت میں پیش ہوگئے۔نیب پراسیکیوٹر شبہاز سہوترا نے کہا کہ ملزمان کے خلاف انکوائری مکمل ہوچکی ہے۔ قائم علی شاہ اور شرجیل میمن کے خلاف انوسٹی گیشن میں تبدیل کرنے کے لیے معاملہ ہیڈ کوارٹر کو ارسال کردیا ہے۔عدالت نے شرجیل میمن، قائم علی شاہ اور دیگر کی عبوری ضمانت میں 21 ستمبر تک توسیع کرتے ہوئے آئندہ سماعت پر پیش رفت رپورٹ طلب کرلی۔دونوں رہنماں پر محکمہ اطلاعات سندھ میں من پسند افراد کو غیر قانونی بھرتی کرنے کا الزام ہے۔

Live پاکستان میں کرونا وائرس کی چوتھی لہر سے متعلق تازہ ترین معلومات