کراچی کے ساحل پر پھنسے بحری جہاز کو نکالنے کے لیے ماہرین کل امدادی کاموں کا آغاز کریں گے

منگل 3 اگست 2021 17:13

کراچی(اُردو پوائنٹ اخبارتازہ ترین - این این آئی۔ 03 اگست2021ء) کراچی کے ساحل پر پھنسے بحری جہاز ہینگ ٹونگ77کو نکالنے کیلئے سنگاپوری کمپنی وی میکس میرین پرائیویٹ لمیٹڈ کے ماہرین منگل سے امدادی کاموںکا آغاز کردینگے۔

(جاری ہے)

تفصیلات کے مطابق سنگاپوری کمپنی وی میکس میرین پرائیویٹ لمیٹڈ پہلے مرحلے میںسالویج آپریشن کیلئے ضروری آلات نصب کرے گی ، ماہرین کی ٹیم منگل کو متعلقہ جگہ کا معائنہ کرے گی جبکہ ٹیم کے ہمراہ کے پی ٹی حکام بھی جائیں گے ،سنگاپوری ماہرین کی ٹیم سی ویو پر پھنسے جہاز کو نکالنے کے حوالے سے اپنی رپورٹ دے گی،وزارت میری ٹائم نے جہاز نکالنے کے لئے 15 اگست کا وقت دیا ہے جبکہ جہاز پھنسے کی ابتدائی رپورٹ منگل کو جاری کی جائے گی،جہاز سے نکالے گئے کریو کے انٹرویوز کا کام بھی شروع کردیا گیا ہے،جو کریو ممبرز جہاز سے تبدیل کئے گئے تھے ان سب کو بھی بلا کر انٹرویو کیا جارہا ہے۔