وزیراعظم کا چترال میں جنگلات میں لگی آگ بجھاتے ہوئے شہید ہونے والے ملازم کو خراج عقیدت

جمشید اقبال نے فرائض کی ادائیگی کے دوران جام شہادت نوش کیا،’یہ ہمارے ہیرو ہیں جو سرسبز پاکستان کے جنگلات کی حفاظت کر رہے ہیں‘۔ وزیراعظم عمران خان کا ٹویٹ

مقدس فاروق اعوان ہفتہ 21 اگست 2021 11:26

وزیراعظم کا چترال میں جنگلات میں لگی آگ بجھاتے ہوئے شہید ہونے والے ..

اسلام آباد (اُردو پوائنٹ اخبارتازہ ترین ۔ 21 اگست2021ء) وزیراعظم عمران خان نے چترال میں جنگلات میں لگی آگ بجھاتے ہوئے شہید ہو جانے والے محکمے جنگلات کے ملازم کو خراج عقیدت پیش کرتے ہوئے کہا ہے کہ یہ ہمارے ہیرو ہیں جو سرسبز پاکستان کے لیے جنگلات کی حفاظت کر رہے ہیں۔انہوں نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ 19 اگست کو محکمہ جنگلات کا ایک اور ہیرو جنگلات میں لگی آگ بھجاتے ہوئے شہید ہو گیا۔

وزیراعظم عمران خان کا کہنا تھا کہ جمشید اقبال نے فرائض کی ادائیگی کے دوران جام شہادت نوش کیا۔وزیراعظم نے اپنے ٹویٹ میں کہا کہ یہ ہمارے ہیرو ہیں جو سرسبز پاکستان کے جنگلات کی حفاظت کر رہے ہیں۔

On 19 Aug another hero of Forest Dept, Jamshid Iqbal, Forester Chitral Forest Div embraced Shahadat in the line of duty while fighting a forest fire in Chumurkun-Gole Protected Forest Compartment No.01. These are our heroes protecting our forests for a Green Pakistan. pic.twitter.com/GDYNoFUQyz
— Imran Khan (@ImranKhanPTI) August 21, 2021

وزیر اعلی خیبر پختونخوا محمود خان نے لوئر چترال کے ایک جنگل میں آگ بجھانے کی کوشش میں محکمہ جنگلات کے اہلکار جمشید اقبال کی شہادت پر انہیں زبردست خراج عقیدت پیش کرتے ہو ئے کہا ہے کہ جمشید اقبال نے فرائض منصبی کی ادائیگی کے دوران اپنی جان دے کر فرض شناسی کی ایک اعلیٰ مثال قائم کی ہے اور ان کی فرض شناسی سب کے لئے قابل تقلید ہے۔

(جاری ہے)

یہاں سے جاری اپنے ایک بیان میں وزیر اعلی نے کہا ہے کہ جمشید اقبال ہمارے ہیرو ہیں جس نے ایک اہم قومی کاز کے لئے اپنی جان دے دی۔ وزیر اعلی نے شہید کے اہل خانہ سے دلی ہمدردی اور تعزیت کا اظہار کرتے ہوئے شہید کے درجات کی بلندی اور پسماندگان کے لئے صبر جمیل کی دعا ہے۔ انہوں نے کہا ہے کہ صوبائی حکومت شہید کے اہل خانہ کے ساتھ ہے، انہیں تنہا نہیں چھوڑا جائے گا اور ان کی ہر ممکن مدد کی جائے گی۔

واضح رہے کہ خیبر پختون خوا کے شہر چترال میں واقع جنگلات میں لگی آگ بجھانے کے آپریشن کے دوران ایک اہل کار پاؤں پھسلنے کے باعث زندگی کی بازی ہار گئے۔چترال کے چمرکن کے جنگلات میں لگی آگ بجھانے میں مصروف محکمہ جنگلات کے اہل کار جمشید اقبال درختوں کو آگ سے بچاتے بچاتے خود زندگی کی بازی ہار گئے۔ محکمہ جنگلات کے اہل کار جمشید اقبال لوئر چترال کے جنگلات میں لگی آگ کو بجھانے میں دیگر ساتھوں کے ساتھ موجود تھے، کہ اچانک پاؤں پھسل جانے کی وجہ سے اونچائی سے گرگئے۔جمشید کو زخمی حالت میں ریسکیو کیا گیا، اور قریبی ہسپتال لے جایا گیا تاہم وہ جاں بر نہ ہو سکے۔