کوئٹہ ،پولیو مہم کی کامیابی کیلئے والدین، اساتذہ اور سول سوسائٹی پولیو مہم کے مقرر کردہ اہداف کا حصول یقینی بنانے میں بھرپور تعاون کریں،گورنر سید ظہور احمد آغا

ہفتہ 18 ستمبر 2021 00:29

کوئٹہ (اُردو پوائنٹ اخبارتازہ ترین - آن لائن۔ 17 ستمبر2021ء) گورنر بلوچستان سید ظہور احمد آغا نے کہا ہے کہ پولیو ایک خطرناک بیماری ہے اور یہ تاحیات معذوری کا باعث بن سکتی ہی. پولیو کے تدارک کیلئے عالمی ادارہ صحت، یونیسف, این - سٹاپ سی ڈی سی اور صوبائی حکومت کی انتھک کاوشوں کو سراہتے ہوئے اس یقین کا اظہار کیا کہ ہم بہت جلد پاکستان کو پولیو سے پاک ریاست بنانے میں کامیاب ہو جائیں گی.

گورنر ظہور احمد آغا نے کہا کہ پولیو مہم کی کامیابی کیلئے والدین، اساتذہ اور سول سوسائٹی پولیو مہم کے مقرر کردہ اہداف کا حصول یقینی بنانے میں بھرپور تعاون کریں. ان خیالات کا اظہار انہوں نے جمعہ کے روز گورنرہاوس کوئٹہ میں سات روزہ انسداد پولیو مہم کا آغاز کرتے ہوئے کیا. واضح رہے کہ بلوچستان کے 34 اضلاع میں سات روزہ انسداد پولیو مہم 20 ستمبر بروز پیر سے شروع ہو رہی ہے جو 26 ستمبر تک جاری رہے گی.

اس موقع پر صوبائی سیکرٹری صحت عزیز جمالی، اے پی آئی کے صوبائی سربراہ حمیداللہ خان ناصر، ڈبلیو ایچ او کی ایریا کوآرڈینیٹر ڈاکٹر آسیہ بانو، یونیسف کے ڈاکٹر ذوالفقار صدیقی، این-سٹاپ سی ڈی سی کے ڈاکٹر آفتاب کاکڑ اور ڈپٹی کمشنر کوئٹہ عرفان نواز میمن بھی موجود تھے۔

(جاری ہے)