پاکستان کی معروف ٹک ٹاکر حریم شاہ نے ایک شخص کے ساتھ تصویر شئیر کر دی

حریم شاہ کی جانب سے شئیر کی گئی تصویر میں موجود شخص کے حوالے سے نئی بحث چھڑ گئی

سمیرا فقیرحسین پیر 20 ستمبر 2021 12:01

پاکستان کی معروف ٹک ٹاکر حریم شاہ نے ایک شخص کے ساتھ تصویر شئیر کر دی

لاہور (اُردو پوائنٹ تازہ ترین اخبار۔ 20 ستمبر 2021ء) : پاکستان کی معروف ٹک ٹاکر اور اداکارہ حریم شاہ نے سماجی رابطے کی ویب سائٹ پر ایک شخص کے ساتھ تصویر شئیر کی جس کے بعد ایک نئی بحث کا آغاز ہو گیا ہے۔ حریم شاہ نے اپنے تصدیق شدہ انسٹا گرام اکاؤنٹ پر اپنی نئی تصویر شیئر کی جس میں ان کے ہمراہ ایک شخص بھی موجود ہے۔ تصویر میں حریم شاہ نے اس شخص کے کندھے پر سر رکھا ہوا ہے اور وہ بہت خوش نظر آرہی ہیں۔

انسٹا گرام پر حریم شاہ نےتصویر شیئر کرتے ہوئے کیپشن میں لکھا کہ ’’میری زندگی‘‘۔ تاہم ٹک ٹاکر حریم شاہ نے اس شخص کے بارے میں کوئی معلومات شئیر نہیں کیں اور نہ ہی یہ بتایا کہ ان کا اس شخص سے کیا تعلق ہے۔ اس پوسٹ کے بعد سوشل میڈیا صارفین کی جانب سے ایک نئی بحث کا آغاز کر دیا گیا کہ آخر یہ شخص کون ہے جسے حریم شاہ نے اپنی زندگی قرار دے دیا۔

(جاری ہے)

View this post on Instagram

واضح رہے کہ ڈھائی ماہ قبل پاکستان پیپلز پارٹی کے کسی رکن سندھ اسمبلی سے شادی کرنے کا دعوی کرنے والی ٹک ٹاکر حریم شاہ نے اب کہا کہ ان کا فوری طور پر شادی کرنے کا کوئی ارادہ نہیں۔ حریم شاہ نے جون کے آخر میں پیپلز پارٹی کے رہنما سے شادی کرنے کا دعوی کیا تھا اور بتایا تھا کہ وہ اگست سے قبل ترکی سے ہنی مون کے بعد واپس آکر کراچی میں ولیمے کی تقریب منعقد کریں گی تاہم اب انہوں نے ایک حالیہ انٹرویو میں کہا کہ ان کا فوری طور پر شادی کرنے کا ارادہ نہیں ہے۔

ایک انٹر ویو میں بات کرتے ہوئے حریم شاہ نے شادی کے سوال پر بتایا کہ ابھی فوری طور پر ان کا شادی کا ارادہ نہیں ۔حریم شاہ کا کہنا تھا کہ والدین انہیں شادی کے لیے کہتے رہتے ہیں جبکہ کئی افراد اور قریبی رشتے داروں نے ان کا رشتہ بھی مانگا تھا مگر انہوں نے منع کردیا۔