کراچی ، تین سالہ بچی کو زہر دینے کا معاملہ، سوتیلے بھائی کو گرفتار کرلیا گیا

جمعرات 23 ستمبر 2021 12:38

کراچی(اُردو پوائنٹ اخبارتازہ ترین - این این آئی۔ 23 ستمبر2021ء) پولیس نے تین سالہ بچی کو زہر دینے کے شبے میں سوتیلے بھائی کو گرفتار کرلیا۔کورنگی صنعتی پولیس نے دو دن قبل مہران ٹائون کے ایک گھر میں زہر دے کر موت کے گھاٹ اتاری گئی تین سالہ بچی عائشہ کے قتل کے الزام میں سوتیلے بھائی غلام نبی کو گرفتار کرلیاگیاہے۔

(جاری ہے)

بچی کی ماں شہزادی کی مدعیت میں درج مقدمے میں مہمان اصغر اور خاتون سمیت تین ملزمان پر زہر دینے کا شک ظاہر کیا گیا تھا، خاتون اور ملزم اصغر پولیس کو نہ مل سکے۔

ملزم کے بیان کے مطابق وہ اپنے باپ سے ملنے کے لیئے ان کے گھر آیا، تو دیکھا سب بے ہوش پڑے تھے، سب کو اسپتال لے گیا، جہاں بچی فوت ہوچکی تھی۔پولیس کے مطابق بچی کی سات سالہ بہن اور معذور باپ بے ہوش تھے، دونوں علاج کے بعد اب ٹھیک ہوچکے ہیں۔ بچی کی ماں نے ایف آئی آر میں نامزد کیا ہے، اس لیے ملزم کو گرفتار کیا گیا۔ کیمیکل اگزامینشن رپورٹ ابھی نہیں آئی مزید تفتیش جاری ہے۔