اسلام آباد، موٹروے پولیس نے چکری کے قریب بھاری مقدار میں اسلحہ برآمد کر لیا

جمعرات 23 ستمبر 2021 23:31

اسلام آباد (اُردو پوائنٹ اخبارتازہ ترین - این این آئی۔ 23 ستمبر2021ء) موٹروے پولیس نے چکری کے قریب بھاری مقدار میں اسلحہ برآمد کر لیا۔تفصیلات کے مطابق موٹروے پر چکری کے قریب بھاری مقدار میں اسلحہ برآمد۔ برآمد شدہ اسلحہ میں 48 پستول (30 بور) ،4 پستول (9mm) شامل ۔

(جاری ہے)

دوران گشت پٹرولنگ پارٹی نے سڑک کے کنارے گاڑی نمبر LEH 3693 کھڑی دیکھی، مدد کی غرض سے جب پٹرولنگ پارٹی گاڑی کے قریب پہنچی تو انہیں انجن سے شعلے بلند ہوتے نظر آئے جن پر بروقت کاروائی کرتے ہوئے قابو پا لیا گیا لیکن گاڑی کے قریب کوئی شخص موجود نہ تھا، شک کی بنیاد پر گاڑی کی تلاشی لینے پر گاڑی کے خفیہ خانے سے اسلحہ برآمد ہوا، جسے تحویل میں لے کر نامعلوم ملزمان کی تلاش شروع کر دی گئی۔

مزید قانونی کاروائی کے لیے اسلحہ اور گاڑی پولیس اسٹیشن چونترہ راولپنڈی کے حوالے کر دیا گیا۔