لیسکوکا انوکھا کارنامہ، میٹر کی تنصیب سے قبل ہی درخواست گزارکو 88روپے کا بل بھی بھجوا دیا

جمعہ 24 ستمبر 2021 23:25

لاہور(اُردو پوائنٹ اخبارتازہ ترین - این این آئی۔ 24 ستمبر2021ء) لاہور الیکٹرک سپلائی کمپنی کا انوکھا کارنامہ سامنے آیا ہے ، بجلی کے میٹر کے حصول کیلئے درخواست دینے والے شہری کی رہائشگاہ پر میٹر کی تنصیب سے قبل ہی 88روپے کابل بھی بھجوا دیا ۔

(جاری ہے)

شالا مار ڈویژن کے رہائشی سیف اللہ کے مطابق اس نے چھ ماہ قبل بجلی کے میٹر کے حصول کیلئے درخواست دی اور بعد ازاں ڈیمانڈ نوٹس کیلئے 6ہزار روپے بھیج جمع کرائے ۔ سیف اللہ کے مطابق اس کی رہائشگاہ پر تاحال بجلی کے میٹر کی تنصیب نہیں کی گئی لیکن حیرت کی بات ہے کہ اس کے نام پر 88روپے کے بل کا اجراء کر دیاگیا جس کے جمع کرانے کی آخری تاریخ 28ستمبر 2021ء مقرر ہے ۔شہری کا کہناہے کہ اب بل بھجوا دیا ہے تو مہربانی کر کے میر امیٹر بھی لگا دیں۔