شہبازتاثیرسے شادی کے بعدنیہاراجپوت کی پہلی سوشل میڈیا پوسٹ

جمعہ 1 اکتوبر 2021 10:25

لاہور(اُردو پوائنٹ اخبارتازہ ترین - این این آئی۔ 01 اکتوبر2021ء) سابق گورنرپنجاب سلمان تاثیرکے بیٹے سے شادی کرنے والی ماڈل واداکارہ نیہا راجپوت نے رشتہ ازدواج میں منسلک ہونے کے بعد پہلی سوشل میڈیا پوسٹ کی ہے۔شہباز تاثیرکا نام لیے بغیر ان کیلئے اپنے جذبات کا اظہار کرنے والی نیہا نے کیپشن میں لکھا میں آپ سے سب سے زیادہ محبت کرتی ہوں۔پوسٹ پرنیہا کے فالوووراور مداحوں کے علاوہ شوبزکے ساتھیوں نے بھی تبصرے میں نیک خواہشات کا اظہار کیا۔

شہباز تاثیر کی دوسری شادی سے چند روز قبل سابقہ اہلیہ ماہین غنی اورنیہا راجپوت کی انسٹااسٹوریزسوشل میڈیا زیرگردش رہیں۔ انسٹالائیو سیشن کے دوران ماہین غنی نے تنقید کرتے ہوئے کہا تھا کہ ماڈلز کا شادی شدہ مردوں سے شادی کا رحجان بڑھتا جارہا ہے امید ہے کہ اس میں تبدیلی آئے گی۔

(جاری ہے)

خوش قسمتی سے میری طلاق ہوگئی ہے توخواہش ہے کہ وہ سکون اور سلامتی سے رہیں۔

بعد ازاں نیہا نے بھی ایسے ہی ایک سوال کے جواب میں کہا تھا کہ خاموش رہنے والے افراد کی طرف انگلی اٹھانا آسان ہے۔ حیرت ہے کہ لوگوں کے لیے ماڈل کو گھر تباہ کرنے کی وجہ قراردینا بے حد آسان ہے لیکن ایسے لوگ گھریلو خواتین کو مکمل نظر انداز کردیتے ہیں جو اپنے شوہر کی طویل عرصے تک دوری کے دوران انہیں ہر طرح سے دھوکہ دیتی ہیں اور پھرمرد پر آگے بڑھنے کا الزام عائد کردیتی ہیں۔