موجودہ حکومت نے ملک کا بیڑا غرق کردیا ہے، نثار کھوڑو

ڈی جی آئی ایس آئی کی تقرری پر اختلاف پیدا ہوا ہے، چیئرمین نیب کو احساس کرنا چاہئے حکومت ایکسٹینشن دے کر ان سے کیا کام کرانا چاہتی ہے،وزیراعظم نے خود کیلئے این آر او لے لیا ہے، سید علی نواز شاہ رضوی کے ساتھ میڈیا سے گفتگو

بدھ 13 اکتوبر 2021 22:28

موجودہ حکومت نے ملک کا بیڑا غرق کردیا ہے، نثار کھوڑو

حیدرآباد(اُردو پوائنٹ اخبارتازہ ترین - این این آئی۔ 13 اکتوبر2021ء) پیپلزپارٹی سندھ کے صدر نثار احمد کھوڑو نے کہا ہے کہ موجودہ حکومت نے ملک کا بیڑا غرق کردیا ہے،ڈی جی آئی ایس آئی کی تقرری پر اختلاف پیدا ہوا ہے، چیئرمین نیب کو احساس کرنا چاہئے کہ حکومت ایکسٹینشن دے کر ان سے کیا کام کرانا چاہتی ہے، وزیراعظم نے خود کیلئے این آر او لے لیا ہے۔

سید علی نواز شاہ رضوی کے ساتھ ان کی رہائشگاہ پر میڈیا سے گفتگو کرتے ہوئے نثار کھوڑو نے کہاکہ پارلیمنٹ کمزور ہوتو وزیراعظم کو رونا پڑتا ہے کہ ڈی جی آئی ایس آئی کو مقرر کرنا ہمارا اختیار تھا، یہ ہمیشہ پارلیمنٹ کو بائی پاس کرتے رہے ہیں اب کسی نے انہیں بائی پاس کردیا ہے تو انہیں دکھ کس چیز کا ہے۔

(جاری ہے)

انہوں نے کہاکہ 18اکتوبر کو محترمہ بینظیر بھٹو کے ساتھ جو سانحہ ہوا وہ تاریخ کا بڑا سانحہ تھا جس میں بڑی تعداد میں انسانی جانوں کا ضائع ہوا، اس مرتبہ 12ربیع الاول کی وجہ سے ہم سانحہ کارساز کا جلسہ 17اکتوبر کو جناح گراؤنڈ میں کر رہے ہیں، 18اکتوبر کو دہشت گردوں نے محترمہ بینظیربھٹو پر حملہ کیا تھا لیکن وہ بچ گئیں اور ہمارے بڑی تعداد میں کارکن شہید ہوئے، کارکنوں نے جان پر کھیل کر اپنی لیڈر کو بچایا، اسی دن کو یاد کرکے ہم شہداء کے دن کے طورپر مناتے ہیں، انہوں نے کہاکہ اخبارات کی خبروں نے کئی پٹ کھول دیئے ہیں ،اخبارات کی سرخیاں بتا رہی ہیں حکومت اور اسٹیبلشمنٹ ایک پیج پر نہیں ہیں،جو کہتے تھے پاکستان میں تمام ادارے ایک پیج پر ہیں اب وفاقی وزیر نے بیان دیا ہے کہ وزیراعظم کا اختیار ڈی جی آئی ایس آئی کو مقرر کرنا ہے، سوال اٹھتا ہے کہ وزیرنے یہ نوٹیفکیشن والی بات کیوں کہی، ایسا لگتا ہے کہ وزیراعظم نے گلا کیا ہوگا کہ مجھ سے پوچھے بغیر ڈی جی لگادیا گیا۔

Facebook Twitter Google + Share on Whatsapp

موجودہ حکومت نے ملک کا بیڑا غرق کردیا ہے، نثار کھوڑو

متعلقہ عنوان :

مزید قومی خبریں