یو ای ٹی ،ایس آئی ایم بی آر آئی اور ایس سی ایس ایل کے مابین مشترکہ تحقیق کے حوالے سے مفاہمت کی یاداشت پر دستخط

جمعرات 14 اکتوبر 2021 15:43

یو ای ٹی ،ایس آئی ایم بی آر آئی اور ایس سی ایس ایل کے مابین مشترکہ تحقیق ..
پشاور(اُردو پوائنٹ اخبارتازہ ترین - اے پی پی۔ 14 اکتوبر2021ء) یونیورسٹی آف انجینئرنگ اینڈ ٹیکناوجی پشاور اور سمبری(ایس آئی ایم بی آر آئی)کنسٹرکشن سلوشنز، لاہور (ایس سی ایس ایل) نے پائیدار تعمیراتی میٹریل کیلئے مشترکہ تحقیق کے حوالے سے مفاہمت کی ایک یاداشت پر دستخط گزشتہ روز انجینئرنگ یونیورسٹی پشاور کے کانفرنس ہال میں کیے ۔ معاہدے پر دستخط پروفیسر ڈاکٹر خان شہزادہ ، شعبہ سول انجینئرنگ یو ای ٹی پشاور اور سید سلمان الحسینی، چیف آپریشن آفیسر ایس سی ایس ایل نے کیے ۔

معاہدے کا مقصد یو ای ٹی پشاور کا تحقیق کے ذریعے ایس سی ایس ایل کے لیے پائیدار تعمیراتی میٹریل میں جدت لانا جبکہ ایس سی ایس ایل انجینئرنگ یونیورسٹی کے فیکلٹی اور طلباء کو تحقیقی منصوبوں کی تکمیل میں مدد فراہم کرے گااور انجینئرنگ یونیوسٹی کے طلباء کو انٹرشپ کے مواقع دے گا۔

(جاری ہے)

ایس سی ایس ایل خام مال جیسے فلائی ایش، جپسم سیمنٹ وغیرہ تک رسائی بھی فراہم کرے گا تاکہ کمرشل سظح پر جدید پراڈکٹس بنانے میں مدد مل سکے۔

وائس چانسلر یو ای ٹی پشاور پروفیسر ڈاکٹر افتخار حسین نے اس موقع پر خطاب کرتے ہوئے کہا کہ انجینئرنگ یونیورسٹی پشاور خیبر پختونخوا کی سب سے پرانی اور بڑی یونیورسٹی ہے جو کہ سول انجینئرنگ کے شعبوں میں نمایاں کام کر رہی ہے جو تعمیر ات میں ماحول دوست مصنوعات کی ترقی کا باعث بنتی ہے۔ وائس چانسلر نے کہا کہ یو ای ٹی پشاور کا آفس آف ریسرچ انوویشن اینڈ کمرشلائزیشن(او آر آئی سی)انڈسٹری کیساتھ روابط قائم کرنے کیلئے سرگرم عمل ہے تاکہ اکیڈیمیا اور صنعت کے مابین مظبوط روابط استوار ہو۔

چیف آپریشن آفیسر ایس سی ایس ایل سید سلمان نے کہا کہ ایس سی ایس ایل تعمیراتی صنعت میں کارپوریٹ کلچر لانے پر یقین رکھتی ہے اور یہی وجہ ہے کہ آج ہم یو ای ٹی پشاور کے ساتھ اس ایم او یو پر دستخط کررہے ہیں جس کا مقصد اکیڈیمیا اور پریکٹیشنرز کو ایک پلیٹ فارم پر اکٹھا کرے گی تاکہ تعمیراتی صنعت میںمسائل کے حل کیلئے تحقیق پر مبنی حل تلاش کیا جاسکے اور ماحول دوست میٹریل کی پیدوار ممکن ہو۔

انہوں نے کہا کہ ایس سی ایس ایل فلائی ایش اینٹیں متعارف کرائی ہیں جو نہ صرف ماحول دوست ہیں بلکہ کم قیمت کے ساتھ اسکی معیار بے مثال ہے۔ اس سے قبل پروفیسر ڈاکٹر خان شہزادہ ، شعبہ سول انجینئرنگ نے ''پاکستان میں پائیدار تعمیر کی ترقی'' پر ایک تفصیلی پریزنٹیشن دی۔ انہوں نے بتایا کہ کس طرح یو ای ٹی پشاور سٹیٹ آف دی آرٹ ریسرچ کے ذریعے پائیدار تعمیر کیلئے مدد کررہی ہے۔

ڈائریکٹراو آر آئی سی ڈاکٹر نصرو من اللہ نے کہا کہ انجینئرنگ یونیورسٹی او آر آئی سی آفس انڈسٹری اوراکیڈیمیا کے مابین روابط کو قائم رکھنے کیلئے اپنی کوششیں جاری رکھے گااور مقامی انڈسٹری کو خصوصی ترجیح دی جائے گی۔ اس موقع پر پروفیسر ڈاکٹر حمید اللہ سیکرٹری(بی او اے ایس اے آر)ڈاکٹر طارق محمود خلیل، منیجر او آر آئی سی، ڈاکٹر شمائلہ فاروق، ڈائریکٹر میڈیا سمیت انجینئرنگ یونیورسٹی اورسمبری کنسٹرکشن سلوشنز کے دیگر اعلیٰ عہدیدار بھی موجود تھے۔