میٹرک اورانٹرمیڈیٹ کے امتحان میں پوزیشن ہولڈرز طلبہ و طالبات میں لیپ ٹاپ تقسیم

ہفتہ 4 اکتوبر 2025 20:22

لاہور (اُردو پوائنٹ اخبارتازہ ترین - اے پی پی۔ 04 اکتوبر2025ء) لاہور تعلیمی بورڈ کے زیر اہتمام ہونے والے میٹرک اور انٹرمیڈیٹ کے امتحان میں پوزیشن ہولڈرز طلبہ و طالبات کے اعزاز میں تقریب منعقد ہوئی ۔ تقریب میں پوزیشن ہولڈرز طلبہ و طالبات میں لیپ ٹاپ تقسیم کیے گئے۔

(جاری ہے)

وزیر تعلیم رانا سکندر حیات ، چیئرمین ٹاسک فورس کمیٹی برائے مزمل محمود ، سیکرٹری ہائر ایجوکیشن غلام فرید، ایڈیشنل سیکرٹری ہائر ایجوکیشن بورڈز نعمان جمیل ، سیکرٹری لاہور بورڈ رضوان نذیر اور کنٹرولر امتحانات توصیف الرحمان نے لیپ ٹاپ تقسیم کیے۔

تقریب میں پوزیشن ہولڈرز طلبہ و طالبات ، اساتذہ اور والدین نے خصوصی شرکت کی۔اس موقع پر پوزیشن ہولڈرز طلبہ اور ان کے والدین نے وزیر تعلیم کا شکریہ ادا کیا۔وزیر تعلیم نے اس موقع پر کہا کہ پوزیشن ہولڈرز طلبہ کو وزیراعلیٰ پنجاب کی جانب سے ان کی سکالرشپ کے لیے فنڈ جاری کردیا گیا ہے۔پوزیشن ہولڈرز طلبہ جہاں سے بھی تعلیم حاصل کرنا چاہتے ہیں ان کے تمام اخراجات پنجاب حکومت ادا کرے گی۔