کراچی،پولیس کی کورنگی میں2مختلف کارروائیاں 1زخمی ڈکیت، 2 کار چور گرفتار

جمعہ 15 اکتوبر 2021 15:47

کراچی(اُردو پوائنٹ اخبارتازہ ترین - این این آئی۔ 15 اکتوبر2021ء) کراچی کے علاقے کورنگی سے 2 مختلف واقعات میں پولیس نے 1 ڈکیت اور 2 کار چوروں کو گرفتار کر لیاہے۔کراچی کے علاقے کورنگی کی عوامی کالونی میں مبینہ پولیس مقابلہ ہوا ہے جس کے بعد 1 ملزم زخمی حالت میں گرفتار کر لیا گیا۔پولیس کے مطابق 2 ملزمان شہری سے لوٹ مار کر رہے تھے کہ پولیس پہنچ گئی جس سے مقابلے کے دوران ایک ملزم زخمی ہوا جسے پولیس نے گرفتار کر لیا جبکہ دوسرا ملزم فرار ہو گیا۔

(جاری ہے)

پولیس نے بتایا ہے کہ گرفتار ملزم عمران کے قبضے سے موٹر سائیکل، 3 موبائل فونز اور اسلحہ برآمد ہوا ہے۔ادھر کورنگی کے علاقے مہران ٹائون سے پولیس نے پوش علاقوں میں گاڑیاں چوری اور چھیننے والے 2 ملزمان کو چوری کی گاڑی سمیت گرفتار کر لیا۔ایس ایس پی کورنگی شاہجہان خان کے مطابق کورنگی، مہران ٹائون سے پوش علاقوں میں کاریں چوری اور چھیننے والے 2 کار لفٹرز کو گرفتار کیا گیا ہے۔گرفتار ملزمان ڈیفنس اور کلفٹن سے کاریں چراتے اور چھینتے تھے۔گرفتار ملزمان کو خفیہ اطلاع پر کار کی نمبر پلیٹس تبدیل کرتے وقت گرفتار کیا گیا۔گرفتار کار لفٹرز عبدالوہاب اور دانیال کے قبضے سے ڈیفنس سے چھینی گئی کار اور جعلی نمبر پلیٹس برآمد کی گئی ہیں۔