جے یو آئی ف کے سربراہ مولانا فضل الرحمان کی گاڑی میں آگ بھڑک اٹھی

بلٹ پروف گاڑی میں آگ لگنے کا واقعہ وفاقی دارالحکومت اسلام آباد کے علاقے ایف 10 مرکز میں پیش آیا

محمد علی جمعہ 22 اکتوبر 2021 00:18

اسلام آباد (اُردو پوائنٹ اخبارتازہ ترین۔ 21 اکتوبر2021ء) جے یو آئی ف کے سربراہ مولانا فضل الرحمان کی گاڑی میں آگ بھڑک اٹھی۔ تفصیلات کے مطابق نجی ٹی وی چینل جیو نیوز سے وابستہ صحافی وقار ستی کی جانب سے کی گئی ٹوئٹ کے مطابق اسلام آباد میں جے یو آئی ف کے سربراہ مولانا فضل الرحمان کی گاڑی میں آگ بھڑکنے کا واقعہ پیش آیا۔

(جاری ہے)

پی ڈی ایم کے سربراہ مولانا فضل الرحمان کی بلٹ پروف V8گاڑی کو وفاقی دارلحکومت اسلام آباد کے ایف ٹین مرکز میں آگ لگ گئی ،مولانا گاڑی میں موجود نہیں تھے ،آگ لگنے کی وجوہات معلوم کی جا رہی ہیں۔ pic.twitter.com/Ux09mOdDcJ
— WAQAR SATTI 🇵🇰 (@waqarsatti) October 21, 2021

بتایا گیا ہے کہ مولانا فضل الرحمان کی بلٹ پروف گاڑی میں آگ لگنے کا واقعہ وفاقی دارالحکومت اسلام آباد کے علاقے ایف 10 مرکز میں پیش آیا، مولانا فضل الرحمان اس وقت گاڑی میں موجود نہیں تھے۔

گاڑی میں آگ لگنے کے واقعے کے دوران کسی شخص کو نقصان پہنچنے کی اطلاع بھی نہیں ملی، جبکہ گاڑی میں آگ بھڑک اٹھنے کی وجہ جاننے کی کوشش کی جا رہی ہے۔