ضمانت کی درخواستیں واپس لینے کی بنیاد پر خارج کیں، پولیس پر حملہ کرنیوالے تحریک لبیک کے کارکنان کی ضمانت خارج ہونے کا حکم نامہ جاری

جمعہ 22 اکتوبر 2021 15:19

اسلام آباد (اُردو پوائنٹ اخبارتازہ ترین - این این آئی۔ 22 اکتوبر2021ء) سپریم کورٹ نے پولیس پر حملہ کرنیوالے تحریک لبیک کے کارکنان کی ضمانت خارج ہونے کا حکمنامہ جاری کر دیا جس میں کہاگیاکہ عدالت نے ضمانت کی درخواستیں واپس لینے کی بنیاد پر خارج کیں۔

(جاری ہے)

جمعہ کو سپریم کورٹ نے 11 اکتوبر کی سماعت کا تحریری حکم نامہ جاری کیا ،ملزمان پر پولیس اہلکاروں کو زخمی کرنے اور ایس ایچ او کی ٹانگیں توڑنے کا الزام تھا ،ملزمان نے سربراہ تحریک لبیک سعد رضوی کی گرفتاری کے خلاف دھرنا دے رکھا تھا ،دونوں ملزمان پر پولیس پر حملے اور زخمی کرنے کے الزام پر سیالکوٹ میں مقدمہ درج تھا ،مقدمہ کی سماعت جسٹس سردار طارق کی سربراہی میں دو رکنی بنچ نے کی تھی۔