سینٹرل جیل پشاور کے ڈھائی ہزار کے قریب قیدیوں نے پڑھ لکھ کر ڈگریاں حاصل کر لیں

پیر 25 اکتوبر 2021 21:37

پشاور(اُردو پوائنٹ اخبارتازہ ترین - این این آئی۔ 25 اکتوبر2021ء) سینٹرل جیل پشاور کے ڈھائی ہزار کے قریب قیدیوں نے پڑھ لکھ کر ڈگریاں حاصل کر لیں۔

(جاری ہے)

سینٹرل جیل پشاور میں 2434 قیدیوں نے ڈگریاں حاصل کر لی ہیں، 528 قیدیوں نے میٹرک کر لیا ہے، جب کہ 273 قیدیوں نے ایف اے پاس کر لیا۔سینٹرل جیل کے قیدیوں میں 106 نے بی اے اور 12 قیدیوں نے ماسٹر ڈگری بھی حاصل کی ہے۔واضح رہے کہ سینٹرل جیل پشاور میں قیدیوں کو دینی اور دنیاوی دونوں تعلیم دی جا رہی ہے، جیل میں قیدیوں کے لیے ایک بڑی لائبریری بھی موجود ہے۔