موجودہ حکومت کی کارکردگی کو صرف اور صرف سوشل میڈیا اور وعدوں کی حد تک محدود ہے،شیراز احمد خاں

اتوار 28 نومبر 2021 12:20

مانگا منڈی(اُردو پوائنٹ اخبارتازہ ترین - این این آئی۔ 28 نومبر2021ء) چیف ایگزیکٹو الطاف اسٹیٹ اینڈ بلڈرز صدر پاکستان فلاح پارٹی حلقہ این اے 136 شیراز احمد خاں نے کہا حکومت عوام کو ریلیف دینے کی بجائے اپنا مال اکٹھا کرنے کے چکر میں مصروف عمل ہے غریب عوام،مزدور طبقہ مزید بیروزگاری،روٹی،کپڑا، تعلیم،مکان سے در بدر ہوتا چلا جا رہا ہے۔آج آپ کسی بھی بازار میں جا کر کسی بھی چیز کا دام پوچھیں تو ایک عام آدمی کو مہنگائی کا کرنٹ لگتا ہے۔

(جاری ہے)

چینی، آٹا، گھی، دالیں، سبزیاں،انڈے،گوشت،بجلی، گیس،ادویات، پیٹرول اسکے علاوہ بلڈنگ مٹریل کا سامان، اینٹ،سریا،سیمنٹ یہاں تک کہ انصاف بھی عام آدمی کی پہنچ سے باہر ہوگیا ہے۔ان حالات میں حکومت عام آدمی اور تاجروں سے ٹیکس کی امید کرتی ہے، الزام تراشی آخر کب تک چلے گی،اگر میں اپنے حلقہ این اے 136 کی بات کروں تو بہت سی جگہوں پر کچرے کے ڈھیر نظر آتے ہیں پاکستان فلاح پارٹی انشاء اللّٰہ آنے والے الیکشن میں بھر پور حصہ لے گی جیسا کہ ہم بولتے ہیں''خود کو بدلو گے تو بدلے گا پاکستان''ہم سیاست دان بدلے گے انشاء اللّٰہ پاکستان فلاح پارٹی زندہ باد،پاکستان پائیدہ باد۔