Live Updates

وزیراعظم عمران خان کا ملک میں ہر 5سال بعد مردم شماری کرانے کا فیصلہ

وزیراعظم نے فیصلہ کیا ہے کہ ملک میں ہر پانچ سال کے بعد مردم شماری کرائی جائے گی، وفاقی وزیر منصوبہ بندی اسد عمر کا ورکرز کنونشن سے خطاب

دانش احمد انصاری اتوار 28 نومبر 2021 20:04

وزیراعظم عمران خان کا ملک میں ہر 5سال بعد مردم شماری کرانے کا فیصلہ

اسلام آباد (اُردو پوائنٹ ،اخبارتازہ ترین ۔ 28 نومبر 2021ء ) دسمبر 2022 میں مردم شماری مکمل کرلی جائے گی، وزیراعظم عمران خان کا ملک میں ہر 5سال بعد مردم شماری کرانے کا فیصلہ۔ تفصیلات کے مطابق ملک میں ہر پانچ سال بعد مردم شماری کرانے کا فیصلہ کیا گیا ہے۔ یہ فیصلہ وزیراعظم عمران خان نے کیا ہے۔نجی ٹی وی کے مطابق وفاقی وزیر منصوبہ بندی اسد عمر نے ورکرز کنونشن سے خطاب کرتے ہوئے انکشاف کیا کہ وزیراعظم عمران خان نے فیصلہ کیا ہے کہ ملک میں ہر پانچ سال کے بعد مردم شماری کرائی جائے گی۔

پاکستان تحریک انصاف سے تعلق رکھنے والے وفاقی وزیر اسد عمر نے کہا کہ وزیراعظم عمران خان نے کراچی کو صدر پاکستان اورگورنرسندھ دیے ہیں۔وفاقی وزیر اسد عمر نے کہا کہ عمران خان کی جدوجہد میرٹ اورانصاف کے لیے ہے۔

(جاری ہے)

ان کا کہنا تھا کہ وفاق کی معاونت سے کراچی کی ترقی کا سفر شروع ہوا ہے۔انہوں نے کہا کہ دسمبر 2022 میں مردم شماری مکمل کرلی جائے گی۔

ان کا کہنا تھا کہ کراچی کا دیرینہ مطالبہ مردم شماری رہا ہے۔انہوں نے زور دے کر کہا کہ کراچی کی نوکریاں کراچی والوں کو ملنی چاہئیں۔ ان کا کہنا تھا کہ آئندہ دو ہفتے میں وزیراعظم عمران خان کراچی کا دورہ کریں گے۔ وہ کراچی میں گرین لائن کا افتتاح کریں گے۔پی ٹی آئی سے تعلق رکھنے والے وفاقی وزیر اسدعمر نے الزام عائد کیا کہ سندھ حکومت نے مقامی حکومتوں سے اختیارات چھین لیے ہیں۔ ان کا کہنا تھا کہ حکومت سندھ کے نئے نظام کو یکسر مسترد کرتے ہیں۔