بلاول بھٹو زرداری کا سینئر صحافی و معروف کالم نگار محمد ضیاء الدین کے انتقال پر اظہارِ رنج و غم

مرحوم نے ہمیشہ اپنے قلم کے ذریعے عوامی حقوق کے لی?ے بے باکی سے آواز اٹھائی، جمہوریت کی وکالت کی،بلاول بھٹو زرداری

پیر 29 نومبر 2021 13:30

بلاول بھٹو زرداری کا سینئر صحافی و معروف کالم نگار محمد ضیاء الدین ..

اسلام آباد (اُردو پوائنٹ اخبارتازہ ترین - این این آئی۔ 29 نومبر2021ء) پاکستان پیپلز پارٹی کے چیئرمین بلاول بھٹو زرداری نے سینئر صحافی و معروف کالم نگار محمد ضیاء الدین کے انتقال پر اظہارِ رنج و غم کیا ہے ۔ اپنے بیان میں بلاول بھٹو زر داری نے کہاکہ مرحوم محمد ضیاء الدین کے انتقال سے پاکستان میں غیرجانبدارنہ و ذمیدارانہ صحافت کا ایک عہد تمام ہوا۔

(جاری ہے)

انہوںنے کہاکہ مرحوم نے ہمیشہ اپنے قلم کے ذریعے عوامی حقوق کیلئے بے باکی سے آواز اٹھائی، جمہوریت کی وکالت کی۔بلاول بھٹو زرداری نے کہاکہ مرحوم ایم ضیاء الدین جیسے نڈر صحافی کے انتقال سے پیدا ہونے والا خلا ناقابل پر ہے۔بلاول بھٹو زرداری نے کہاکہ مرحوم کی شعبہ صحافت کے لیئے گرانقدر خدمات ناقابلِ فراموش ہیں،دعاگو ہوں، اللہ تعالیٰ مرحوم ایم ضیاء الدین کو اپنے جوار رحمت میں جگہ دے۔پی پی پی چیئرمین نے سوگوار خاندان سے دلی تعزیت اور لواحقین کیلئے صبر جمیل کی دعا کی ہے۔