سینیٹر شیری رحمان کی پیپلز پارٹی کے 54ویں یوم تاسیس پر جیالوں کو مبارکباد

پیپلز پارٹی کی 54 سالا جمہوری اور آئینی جدوجہد کا سفر قابل رشک ہے، نائب صدر پیپلز پارٹی

منگل 30 نومبر 2021 22:16

سینیٹر شیری رحمان کی پیپلز پارٹی کے 54ویں یوم تاسیس پر جیالوں کو مبارکباد

اسلام آباد (اُردو پوائنٹ اخبارتازہ ترین - آن لائن۔ 30 نومبر2021ء) پاکستان پیپلز پارٹی کی نائب صدر سینیٹر شیری رحمان نے پاکستان پیپلز پارٹی کے 54ویں یوم تاسیس پر اپنے بیان میں کہا ہے کہ پاکستان پیپلز پارٹی کے 54ویں یوم تاسیس پر شہید ذوالفقار علی بھٹو، بانیان پیپلز پارٹی، شہید محترمہ بینظیر بھٹو اور کارکان کو خراج پیش کرتی ہوں دنیا بھر کے جمہوریت پسندوں، پارٹی قیادت اور جیالوں کو پیپلز پارٹی کے 54ویں یوم تاسیس پر مبارکباد پیش کرتی ہوں،54سال کی جدوجہد کے پیچھے قیادت اور کارکنان کی لا تعداد قربانیاں شامل ہیں، شیری رحمان نے کہا کہ پیپلز پارٹی کی 54 سالا جمہوری اور آئینی جدوجہد کا سفر قابل رشک اور بے مثال ہے،اس جمہوری آئینی جدوجہد کا سفر ابھی جاری ہے،جن کا جمہوریت اور آئین کی جدوجہد میں کوئی حصہ نہیں آج وہ لوگ ملک و قوم پر مسلط ہیں،ان کے ہاتھوں روز پارلیمان کی بے توقیری اور آئین کی پامالی ہوتی ہے،پیپلز پارٹی کے قائدین اور کارکان نے اس دن کے لیے قربانیاں نہیں دی تھی جمہوریت، عوام اور آئین پر پیپلز پارٹی کبھی سمجھوتہ نہیں کرے گی،انہوں نے کہا کہ پیپلز پارٹی ہی اس ملک کی وفاق کی علامت ہے، اور رہے گی پیپلز پارٹی عوام کی حقیقی آواز اور نمائندگی کا بھرپور کردار ادا کرتی رہے گی