مریم نواز کے سرکاری جہاز کے استعمال کو خواہ مخواہ ایشو بنایا جارہا ہے. رانا ثناءاللہ

پی ٹی آئی کے کچھ ارکان حکومت کے ساتھ خاموش ملاقاتیں کررہے ہیں. نجی ٹی وی کے پروگرام میں نون لیگی راہنماءکا دعوی

میاں محمد ندیم منگل 15 ستمبر 2026 23:53

مریم نواز کے سرکاری جہاز کے استعمال کو خواہ مخواہ ایشو بنایا جارہا ..

اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔15 ستمبر ۔2026 ) وزیراعظم شہباز شریف کے مشیر سیاسی امور سینیٹر رانا ثناءاللہ نے کہا ہے کہ مریم نواز کے سرکاری جہاز کے استعمال کو خواہ مخواہ ایشو بنایا جارہا ہے نجی ٹی وی کے پروگرام میں رانا ثناءاور پی ٹی آئی کے بیرسٹر عمیر نیازی نے شرکت کی، اس موقع پرمریم نواز کے دفاع میں نون لیگی سینیٹر اپنے ہی وفاقی وزیر احسن اقبال کے سامنے کھڑے ہوگئے.

(جاری ہے)

سینیٹر رانا ثناءاللہ نے کہا کہ مریم نواز کے سرکاری جہاز کو استعمال کرنے کے معاملے کو خواہ مخواہ ایشو بنایا جارہا ہے انہوں نے کہا کہ قانون کے مطابق وہ اپنی جیب سے سرکاری جہاز کا خرچہ دے کر اسے استعمال کرسکتی ہیں دوران پروگرام راناثناءاللہ نے دعویٰ کیا کہ پی ٹی آئی کے کچھ ارکان حکومت کے ساتھ خاموش ملاقاتیں کررہے ہیں. انہوں نے کہا کہ سہیل آفریدی نے متعدد بار کہا ہے کہ وہ اسلام آباد جائیں گے اور حکومت گرائیں گے، بتایا جائے کیا حکومت کو درخواست پیش کریں گے کہ آپ گر جائیں؟انہوں نے کہا کہ سہیل آفریدی کہتے ہیں کہ حکومت گرائیں گے اور عمران خان کو رہا کریں گے، بتایا جائے کہ کیا سہیل آفریدی اڈیالہ جیل جاکر ضمانت کی درخواست دائر کریں گے یا کیسز میں اپیل کی پیروی کریں گے؟.

انہوں نے کہا کہ یہ جس مقصد کے لیے آرہے ہیں اور جو طریقہ کار اختیار کیا ہے وہ تشدد کے بغیر حاصل نہیں ہوسکتا، اسی مقصد کے لیے سندھ میں اور لاہور میں یہ مارے مارے پھرے ہیں کہ کوئی ایسا واقعہ ہوجائے رانا ثناءاللہ نے یہ بھی کہا کہ یہ چاہتے ہیں کہ کوئی ایسا واقعہ ہو جو افراتفری کا انتشار کا باعث بنے، جتھے میں یہ خیبر پختونخوا سے لوگ لائیں گے کیونکہ پنجاب سے بہت کم توقع ہے.