بلدیاتی انتخابات میں دو سیاسی مخالفین علی امین گنڈہ پور اور فیصل کریم کنڈی میں ٹھن گئی

پیر 6 دسمبر 2021 16:34

ڈیرہ اسماعیل خان (اُردو پوائنٹ اخبارتازہ ترین - این این آئی۔ 06 دسمبر2021ء) 19 دسمبر کو ہونے والے بلدیاتی انتخابات میں دو سیاسی مخالفین علی امین گنڈہ پور اور فیصل کریم کنڈی میں ٹھن گئی۔میڈیا رپورٹ کے مطابق ڈیرہ اسماعیل خان سٹی میئر شپ کیلئے وفاقی وزیر علی امین کے کپتان بھائی عمر امین گنڈہ پور اور پیپلز پارٹی کے مرکزی سیکرٹری اطلاعات فیصل کریم کنڈی آمنے سامنے ہیں۔

(جاری ہے)

میئر شپ کیلئے جمعیت علماء اسلام کے امیدوار کفیل نظامی، ن لیگ کے ملک ریحان، اے این پی کے عمرخطاب اور دیگر امیدوار بھی دوڑ میں شامل ہیں۔بلدیاتی انتخابات کے یہ امیدوار ایک دوسرے پر موروثی سیاست، حکومتی مشینری کے استعمال اور پیسوں کی چمک کے الزامات بھی دھر رہے ہیں تاہم علی امین گنڈہ پور اسے محض اپنی عاجزی اور شہرت کہتے ہیں۔دوسری جانب عوام بھی اپنے مسائل کا حل الیکشن کی ہار جیت سے پہلے کیش کرانے کو وقت کی پکار قرار دیتی ہے۔19 دسمبر کو جیت کا سہرا کس کے سر سجتا ہے معلوم نہیں لیکن عوام امیدواروں سے اپنے مسائل کا حل ہار جیت سے پہلے مانگ رہی ہے یعنی کون جیتا ہے تیری زلف کے سر ہونے تک۔