میٹرک اور انٹرمیڈیٹ کے امتحانات میں تبدیلی، سوالیہ پرچوں کا طریقہ کار تبدیل کرنے کا فیصلہ

پیر 6 دسمبر 2021 22:24

لاہور(اُردو پوائنٹ اخبارتازہ ترین - این این آئی۔ 06 دسمبر2021ء) میٹرک اور انٹرمیڈیٹ کے امتحانات میں اہم تبدیلی، سوالیہ پرچوں کا طریقہ کار تبدیل کرنے کا فیصلہ کر لیا گیا۔پنجاب بورڈ کمیٹی چیئرمین کی جانب سے سوالیہ پرچوں کے پیٹرن کو تبدیل کرنے کی منظوری دیدی گئی ہے۔

(جاری ہے)

اس تبدیلی کو ماہرین کی جانب سے اہم قرار دیا جا رہا ہے۔ فیصلے کا اطلاق 2022 سے تمام تعلیمی بورڈز پر ہو گا۔ اس حوالے سے تمام تعلیمی بورڈز کو آگاہ کر دیا گیا ہے۔پنجاب بورڈ کمیٹی چیئرمین کا کہنا ہے کہ نئے نظام کے تحت رٹہ سسٹم کو ختم کر کے کنسپٹ بیسڈ پرچوں کی تیاری ہے۔ آگے بنائے جانے والے پرچے اسی نئے پیٹرن کے مطابق بنائے جائیں گے۔