ہائیکورٹ نے شہری کی الیکٹرانک ووٹنگ مشین قانون سازی پر درخواست نامکمل قرار دے دی ، مہلت کی استدعا منظور

منگل 7 دسمبر 2021 13:28

اسلام آباد (اُردو پوائنٹ اخبارتازہ ترین - این این آئی۔ 07 دسمبر2021ء) چیف جسٹس اسلام آباد ہائیکورٹ اطہر من اللہ نے شہری کی الیکٹرانک ووٹنگ مشین قانون سازی پر درخواست نامکمل قرار دے دی ۔ منگل کو عدالت نے دور ان سماعت استفسار کیاکہ آپ کو الیکٹرانک ووٹنگ مشین کی قانون سازی کی کن شقوں پر اعتراض ہی ۔

(جاری ہے)

درخواست گزار نے کہاکہ الیکٹرانک ووٹنگ مشین دھاندلی کی منصوبہ بندی، قانون سازی کالعدم قرار دی جائے۔

چیف جسٹس اطہرمن اللہ نے کہاکہ الیکٹرانک ووٹنگ مشین قانون سازی کی کون سی شقیں آئین سے متصادم ہیں ۔ چیف جسٹس ہائی کورٹ نے کہاکہ ایسے نامکمل درخواست دائر نہیں کرتے ورنہ جرمانہ ہوجاتا ہے۔درخواست گزار فدا اللہ نے عدالت سے استدعا کی کہ درخواست کی درستگی کے لیے مہلت دی جائے، اسلام آباد ہائیکورٹ نے شہری کی مہلت کی استدعا منظور کرلی۔