نوواک جوکووچ آسٹریلیا سے ڈی پورٹ ہو کر دبئی پہنچ گئے

ایئرپورٹ کے لاؤئج سے باہر نکلنے سے گریز ، مختصر قیام کے بعد اگلے سفر شروع کرینگے

پیر 17 جنوری 2022 22:17

دبئی (اُردو پوائنٹ اخبارتازہ ترین - آن لائن۔ 17 جنوری2022ء) ٹینس اسٹار نوواک جوکووچ آسٹریلیا سے ڈی پورٹ ہو کر دبئی پہنچ گئے ۔غیر ملکی میڈیا رپورٹ کے مطابق نوواک جو کووچ آسٹریلیا سے ڈی پورٹ ہونے کے بعد دبئی پہنچ گئے ہیں، تاہم انہوں نے ایئرپورٹ کے لاؤئج سے باہر نکلنے سے گریز کیا، گمان کیا جارہا ہے کہ وہ دبئی میں مختصر قیام کے بعد اپنا اگلا سفر شروع کرینگے تاہم یہ واضح نہیں کہ جوکووچ کا اگلا پڑاؤ کہاں ہوگا نوواک جوکووچ نے متحدہ عرب امارات کا سفر اس لئے کیا کہ یہاں مسافروں کو ویکسین لگوانے کی ضرورت نہیں ہے، البتہ فضائی سفر سے قبل انہیں منفی پی سی آر رپورٹ دکھانا لازمی ہے۔

یاد رہے کہ کرونا ویکسین نہ لگانے کی پاداش میں ٹینس اسٹار کو آسٹریلیا سے ملک بدر کردیا گیا ہے جس کے باعث وہ آسٹریلین اوپن ٹورنامنٹ سے بھی باہر ہوگئے ہیں، جوکووچ نے نو بار آسٹریلین اوپن ٹائٹل اپنے نام کررکھے ہیں ،جن میں لگاتار تین، اور کل 20 گرینڈ سلیم سنگلز ٹرافیاں شامل ہیں۔

(جاری ہے)

سولہ جنوری 2022: جوکووچ نے ویزا منسوخی کے فیصلے پر آسٹریلوی عدالت سے اپیل دائر کی تھی جسے مسترد کرتے ہوئے عدالت نے ویزا منسوخ کرنے کا فیصلہ برقرار رکھا، یہی فیصلہ ان کی ملک بدری کی وجہ بنا۔

پندرہ جنوری:آسٹریلیا کے امیگریشن کے وزیر الیکس ہاک نے اپنے اختیارات کا استعمال کرتے ہوئے نوواک جوکووچ کا دوسری بار ویزا منسوخ کیا تھا، یہ اقدام اس ضمن میں اٹھایا گیاجب ٹینس اسٹار کے وکلا اس فیصلے کے خلاف فوری حکم امتناعی دائر کرنے کی تیاری کر رہے تھے۔چودہ جنوری: عالمی نمبر ایک ٹینس اسٹارنوواک جوکووچ نے تسلیم کیا کہ آسٹریلیا آمد کیلئے بھرے جانے والیفارم میں غلطیاں ہوئی تھیں، جوکووچ نے یہ بھی تسلیم کیا کہ گزشتہ ماہ انہوں نیایک صحافی سیملاقات کی تھی جب انہیں کورونا تھا لیکن یہ ایک اندازیکی غلطی تھی۔

دس جنوری: آسٹریلوی عدالت نے حکومت کا نوواک جوکووچ کا ویزا منسوخ کرنیکا فیصلہ کالعدم قرار دے د*دیتے ہوئے ٹینس اسٹار کے آسٹریلیا میں داخلے کو قانونی قرار دیا تھا۔