Live Updates

الزامات کی سیاست کرنے والوں کا نہ پہلے کوئی مستقبل تھا ، نہ آئندہ ہے، عثمان بزدار

وزیراعلیٰ پنجاب سے تحریک انصاف کے رہنما سلیم بریار اور معاون خصوصی بورڈ آف انوسٹمنٹ اینڈٹریڈ پنجاب احسن سلیم بریار کی ملاقات

پیر 17 جنوری 2022 22:48

الزامات کی سیاست کرنے والوں کا نہ پہلے کوئی مستقبل تھا ، نہ آئندہ ہے، ..

لاہور (اُردو پوائنٹ اخبارتازہ ترین - آن لائن۔ 17 جنوری2022ء) وزیراعلیٰ پنجاب سردار عثمان بزدارسے وزیراعلیٰ آفس میں پاکستان تحریک انصاف کے سینئر رہنما سلیم بریار اور معاون خصوصی برائے بورڈ آف انوسٹمنٹ اینڈٹریڈ پنجاب احسن سلیم بریار نے ملاقات کی۔

(جاری ہے)

وزیراعلیٰ عثمان بزدارنے اس موقع پر گفتگو کرتے ہوئے کہا کہ اللہ تعالیٰ کے فضل و کرم اور عوامی خدمت کی سیاست سے اپوزیشن کی ہر سازش ناکام ہوئی۔

الزامات کی سیاست کرنے والوں کا نہ پہلے کوئی مستقبل تھا ، نہ آئندہ ہے۔پراپیگنڈا کرنے والے جان لیں کہ عوام کی خدمت کھوکھلے دعوؤں سے نہیں ہوتی۔ اپوزیشن کی سیاست صرف بیان بازی تک محدود رہ گئی ہے۔انہوںنے کہا کہ ہماری حکومت عوام سے کئے گئے وعدوں کو نبھا رہی ہے اوروزیراعظم عمران خان کی قیادت میں ترقی کا سفر جاری رہے گا۔